الماتى وبلىسىنىڭ پروكۋراتۋراسى تۇزەتۋ مەكەمەلەرىنە تەكسەرۋ جۇرگىزدى. ناتيجەسىندە سوتتالۋشىلار ەلەۋلى زاڭ بۇزۋشىلىق ارەكەتتەرىن جاساعانى انىقتالدى, دەپ جازادى Egemen.kz.
سوتتالعاندار, ۇيالى تەلەفونداردى پايدالانۋ ارقىلى ونلاين ساتىپ-الۋ, كرەديتتەردى راسىمدەۋ جانە بۋكمەكەرلىك كەڭسەلەر مەن ونلاين-كازينو ارقىلى قۇمار ويىندارعا قاتىسقان. سوتتالعاندار وسىنداي زاڭ بۇزۋشىلىقتار ءۇشىن 3 ملرد تەڭگەدەن اساتىن قارجىسىن اينالىمعا قوسقان.
№10-شى مەكەمەدە جازاسىن وتەۋشىلەر ءموبيلدى قۇرىلعىلاردى قولدانا وتىرىپ, رۇقسات ەتىلگەن جانە تىيىم سالىنعان زاتتاردى مەكەمە ىشىندە ساتقان.
اتالعان دەرەك بويىنشا الماتى وبلىسىنىڭ پروكۋراتۋراسى قك-ءنىڭ 361-بابى 2-1-بولىگى بويىنشا سوتقا دەيىنگى تەرگەپ-تەكسەرۋ جۇرگىزگەن.
ىلە اۋداندىق سوتىنىڭ ۇكىمىمەن وسى مەكەمەنىڭ ءۇش قىزمەتكەرىنە ءتۇرلى جازالاۋ شارالارى قابىلداندى.
بۇدان باسقا, وبلىس پروكۋراتۋراسى №12 جانە №57 مەكەمەلەردىڭ قىزمەتكەرلەرىنە قاتىستى سوتقا دەيىنگى تەرگەپ-تەكسەرۋدى باستادى. №57 مەكەمە باستىعىنا قاتىستى قاماۋدا ۇستاۋ تۇرىندەگى بۇلتارتپاۋ شاراسى قولدانىلدى.
پروكۋراتۋرا تەرگەۋ امالدارى جالعاسىپ جاتقانىن مالىمدەدى.