وسكەمەن قالاسىندا دارىندى بالالارعا ارنالعان جامبىل اتىنداعى وبلىستىق مامانداندىرىلعان مەكتەپ-گيمنازيا-ينتەرنات بازاسىندا 2024 جىلعى 12-14 مامىردا قازاقستان رەسپۋبليكاسىنىڭ ەڭبەك سىڭىرگەن مۇعالىمى, «قۇرمەت» وردەنىنىڭ يەگەرى, اكادەميك قانيپا بىتىباەۆا اتىنداعى قازاق ءتىلى مەن ادەبيەتى پانىنەن رەسپۋبليكالىق وليمپياداسى ءوتتى, دەپ جازادى Egemen.kz.
وقۋشىلاردىڭ ءبىلىمىن تەرەڭدەتۋ جانە جەتىلدەرۋ, زياتكەرلىك جانە شىعارماشىلىق قابىلەتتەرىن دامىتۋ ماقساتىندا كۆوتاعا ساي قازاقستاننىڭ ءار وڭىرىنەن 160 وقۋشى قاتىسقان.
پاۆلودار وبلىسىنان وليمپياداعا وبلىستىق كەزەڭىندە ءى جانە ءىى ورىندارعا يە بولعان جالپى ورتا ءبىلىم بەرۋ جانە مامانداندىرىلعان مەكتەپتەردىڭ 8 وقۋشىسى قاتىستى, ونىڭ ىشىندە 5 وقۋشى جەڭىمپازبەن جۇلدەگەر اتاندى.
ق.بىتىباەۆا اتىنداعى قازاق ءتىلى مەن ادەبيەتى پانىنەن رەسپۋبليكالىق وليمپيادانىڭ قورىتىندىسى بويىنشا ءى دارەجەلى ديپلومىمەن اباي اتىنداعى گيمنازياسىنىڭ 10 سىنىپ وقۋشىسى كۋنيازوۆا دانا (مۇعالىمى حايسينا ك.ك.) جانە ى. التىنسارين اتىنداعى دارىندى بالالارعا ارنالعان وبلىستىق قازاق گيمنازيا-ينتەرناتىنىڭ 10 سىنىپ وقۋشىسى حابيدۋللاەۆا ارۋجان (مۇعالىمى وكپينا ب.م.) ماراپاتتالدى. II دارەجەلى ديپلومىنا «جاس دارىن» مامانداندىرىلعان مەكتەبىنىڭ 9 سىنىپ وقۋشىسى جومارتوۆا دينا (مۇعالىمى سىرتتانوۆا ا.ت.) جانە ق.ساتباەۆ اتىنداعى دارىندى بالالارعا ارنالعان مامانداندىرىلعان گيمنازياسىنىڭ 11 سىنىپ وقۋشىسى كايرجانوۆا ايدا (مۇعالىمى ەسەنگوجينا ا.ە.) يە بولدى. ءIIى دارەجەلى ديپلومدى پاۆلودار قالاسى, ء ا.بوكەيحان اتىنداعى جالپى ورتا ءبىلىم بەرۋ مەكتەبىنىڭ 10 سىنىپ وقۋشىسى سولتانمۋرات اياۋلىم (مۇعالىمى اسىلبەكوۆا ا.م.) الدى. ەرەكشە جەتىستىگى ءۇشىن پاۆلودار قالاسى, №2 جالپى ورتا ءبىلىم بەرۋ مەكتەبىنىڭ 11 سىنىپ وقۋشىسى ديۋسەمباەۆا توميريس قازاقستان رەسپۋبليكاسىنىڭ وقۋ-اعارتۋ مينيستىرلىگىنىڭ گراموتاسىمەن ماراپاتتالدى.
قانيپا بىتىباەۆانىڭ تۇلەكتەرىنىڭ اتىنان اباي اتىنداعى گيمنازياسىنىڭ 10 سىنىپ وقۋشىسى كۋنيازوۆا داناعا باعالى سىيلىق (نوۋتبۋك) تابىستالدى.