سۋ تاسقىنى احۋالى ەرەكشە باقىلاۋدا تۇر. بۇل تۋرالى توتەنشە جاعدايلار مينيسترلىگىنىڭ ءباسپاسوز قىزمەتىنەن ءمالىم بولدى, دەپ حابارلايدى Egemen.kz.
وسى ايدىڭ 1-10 كۇندەرى ارالىعىندا قىزىلجار اۋدانى تەپليچنىي اۋىلىندا تاۋلىك بويى سۋ شىعارۋ جۇمىستارى جۇرگىزىلىپ, وعان سولتۇستىك قازاقستان, اقمولا, ۇلىتاۋ, قاراعاندى وبلىستارى توتەنشە جاعدايلار دەپارتامەنتتەرىنىڭ كۇشتەرى مەن قۇرالدارى جۇمىلدىرىلعان.
«سۋ باسقان 410 ءۇي مەن اۋلادان 1,1 ميلليون تەكشە مەتردەن استام سۋ شىعارىلدى. تجم قۇتقارۋشىلارى سۋ تاسقىنى سالدارىن جويۋ جۇمىستارىن جالعاستىرىپ جاتىر», دەلىنگەن مينيسترلىك حابارلاماسىندا.