دارىگەرلەر وقۋشىنىڭ ميى شايقالىپ, وڭ جاق بىلەگى مەن وڭ اياعى سىنعانىن حابارلادى, دەپ جازادى Egemen.kz.
وقيعا استانا قالاسىنىڭ №72 مەكتەپ-ليتسەيىندە بولعان. وقۋشى مەكتەپ عيماراتىنىڭ 4-قاباتىنان سەكىرىپ كەتتى. دەنە جاراقاتتارىن العان بالا دەرەۋ اۋرۋحاناعا جەتكىزىلدى. دارىگەرلەردىڭ ايتۋىنشا, وقۋشىنىڭ جاعدايى اۋىر.
«زارداپ شەككەن بالانىڭ ميى شايقالعان, ودان بولەك كەۋدەسى مەن ءىشى جاراقاتتانعان, وڭ جاق بىلەگى مەن وڭ اياعى سىنعان. دارىگەرلەر ونىڭ جاعدايىن مۇقيات باقىلاپ وتىر», دەدى قالالىق ءبىلىم جانە دەنساۋلىق ساقتاۋ باسقارماسىنىڭ وكىلى.
قالالىق پوليتسيا باسقارماسى قىلمىستىق ءىس قوزعاپ, وقىس وقيعاعا نە تۇرتكى بولعانىن انىقتاپ جاتىر.