Cۋ باسقان ايماقتارعا جان-جاقتى قولداۋ كورسەتۋ ماقساتىندا تۇركىستان وبلىسىندا جاۋاپتى باسقارمالاردىڭ ۇيلەستىرۋىمەن, اتىراۋ وبلىسىنا 160-قا جۋىق تەحنيكا جولداندى. اتالعان تەحنيكالار داربازا, تۇركىستان, مانكەنت, ارىس ستانسالارىندا ۆاگون-پلاتفورمالارعا تيەلىپ, اتىراۋ ستانساسىنا «قتج» ۇك-نىڭ بەلگىلەنگەن كەستەسىنە سايكەس جەتكىزىلدى.
كاسىپكەرلەردەن بولەك, «قازاتومونەركاسىپ» كومپانياسى, «قازاۆتوجول» مەكەمەسى اتىنان دا اۋىر كولىكتەر جىبەرىلدى. ارنايى جۇك ارتقىش جانە جۇك تاسىمالدايتىن, جەر قازاتىن كولىكتەر جانە وزگە دە تەحنيكالار سۋ شايعان اۋماقتاردى تازالاۋعا جانە بوگەتتەر سالۋعا قولدانىلماق.
سونداي-اق تۇركىستان وبلىسىنان سۋ باسقان وڭىرلەرگە جالپى 600 تونناعا جۋىق گۋمانيتارلىق كومەك جىبەرىلگەنىن ايتا كەتەلىك. سونىمەن قاتار 150-دەن اسا كاسىبي قۇتقارۋشى مەن توتەنشە جاعداي قىزمەتكەرلەرى اپات ايماعىندا جۇمىس ىستەپ جاتىر. وبلىس اكىمى دارحان ساتىبالدىنىڭ تاپسىرماسىمەن وڭىردە گۋمانيتارلىق كومەكتى ۇيلەستىرەتىن شتابتار قۇرىلعان. سۋ تاسقىنى بولعان ۋاقىتتان بەرى وڭىردەن باتىس قازاقستان, اقتوبە, اتىراۋ وبلىستارىنا 371 توننا گۋمانيتارلىق كومەك جونەلتىلىپ, ەرىكتىلەر كومەككە باردى. ال جۋىردا تۇركىستان حالقى اتىنان 9 اۋىر جۇك كولىگى مەن قوسىمشا كولىكتەرگە تيەلگەن 200 تونناعا جۋىق كەزەكتى گۋمانيتارلىق كومەك كەرۋەنى جولعا شىقتى. 50 ەرىكتى جاس ارنايى اۆتوبۋسپەن جىبەرىلدى. ولار سۋ تاسقىنى سالدارىن جويۋ, ۇيىمداستىرۋ جۇمىستارىنا اتسالىسادى.
قازاقستان حالقى اسسامبلەياسىنىڭ «جۇرەكتەن – جۇرەككە!» اكتسياسى اياسىندا وبلىستىق وزبەك جانە تۇرىك ەتنومادەني بىرلەستىكتەرى بىرلەسە وتىرىپ, 5 جۇك كولىگىنە تيەلگەن گۋمانيتارلىق كومەكتى سۋ باسقان ايماقتارعا جونەلتتى. سونىمەن قاتار سارىاعاش, وتىرار, كەلەس, سايرام, ساۋران اۋدانى مەن كەنتاۋ قالاسى تۇرعىندارى اتىنان قاجەتتى زاتتار تيەلگەن جۇك كولىكتەرى دە جولعا شىقتى. ولارعا نەگىزىنەن ازىق-ت ۇلىك, كورپە-توسەك, كيىم-كەشەك جانە قۇرىلىس ماتەريالدارى ارتىلعان.
وبلىس اكىمىنىڭ ورىنباسارى بەيسەنباي تاجىباەۆ اتقارىلىپ جاتقان شارانىڭ ماڭىزدىلىعىنا توقتالىپ, قيىن جاعدايدا كومەك قولىن سوزعان وبلىس تۇرعىندارىنا, كاسىپكەرلەرىنە, جاستارعا, وڭىردەگى اسسامبلەيا مۇشەلەرىنە العىسىن ءبىلدىردى.
«ارىستاعى جارىلىس, ماقتاارال اۋدانىنداعى سۋ تاسقىنى كەزىندە دە ەلىمىزدىڭ بارلىق وبلىسى كومەك قولىن سوزىپ, كۇن-ءتۇن دەمەي گۋمانيتارلىق كومەك جەتكىزگەنى ەسىمىزدە. العاشقى كۇننەن باستاپ وبلىستا شتاب قۇرىلىپ, اۋدان, قالالاردان جۇك كەرۋەندەرى جىبەرىلدى. مىنە, ەندى بۇگىن سول ىزگى ىستەردىڭ جالعاسى رەتىندە وبلىستىق قازاقستان حالقى اسسامبلەياسى مەن اۋدان, قالا تۇرعىندارىنىڭ اتسالىسۋىمەن باتىس قازاقستان وبلىسىنا 200 تونناعا جۋىق گۋمانيتارلىق كومەك جولعا شىعايىن دەپ تۇر», دەدى ب.تاجىباەۆ.
ايتا كەتەيىك, اۋدان, قالالاردا جەكە ازاماتتار دا ۇيىمداسىپ, جۇك كولىكتەرىمەن كومەكتەرىن جىبەرىپ جاتىر. سونىمەن بىرگە «كۇشىمىز – بىرلىكتە!» قورىنا قارجى اۋدارىلىپ جاتىر. مىسالى, سايرام اۋدانى قاراسۋ اۋىلدىق وكرۋگى, تولەبي اۋدانى مايبۇلاق, جامبىل اۋىلدارىنىڭ تۇرعىندارى ناۋرىز مەرەكەسىن اتاپ وتۋگە جينالعان قارجىنى سۋ باسقان وڭىرلەرگە اۋدارۋدى ۇيعاردى. وبلىس ورتالىعىندا ورنالاسقان «ەكوبازاردا» وڭىرلىك كاسىپكەرلەر پالاتاسىنىڭ ۇيىمداستىرۋىمەن گۋمانيتارلىق كومەك پۋنكتى جۇمىس ىستەپ جاتىر.
تۇركىستان وبلىسى