كۋرسانتتاردىڭ دا كومەگى كوپ

ماسەلەن, سۋ تاسقىنىنا قارسى ءىس-شارالاردى تولىق­قان­دى جۇرگىزۋ سەكىلدى وزگە دە جۇمىستارعا ۇلتتىق ۇلان اكادەمياسىنىڭ 400 كۋرسانتى تارتىلدى. ءۇش وقۋ باتال­ونىنىڭ كۋرسانتتارى پريب­رەجنىي, ولشانكا, جىلى­جاي كەنتتەرىندە جانە «حرومزاۆود» قالالىق شاعىن اۋدانىندا ينەرتتى ماتەريال سالىنعان قاپتاردى دايىنداۋ جانە ولاردى جەرگە توسەۋ جۇمىستارىنا كومەك كورسەتىپ جاتىر. ولار جاعالاۋدى نى­عاي­تۋ جۇمىستارىنا بەلسەن­دى قاتىسىپ, سۋ ارناسىن بۇ­رۋ­عا قولعابىس ەتىپ ءجۇر. بۇل جۇ­مىستارعا قوسىمشا 16 تەح­نيكا جۇمىلدىرىلدى, ونىڭ ىشىندە فرونتالدى تيە­گىش بار. وسى رەتتە اكادەميا كۋرسانتتارىنىڭ ەڭبەك­قور­لى­عىن اتاپ وتكەن ءجون. ولار وتكەن تاۋلىكتە 8 200 قۇم تولى قاپ دايىنداپ, بيىكتىگى ءۇش مەتر بولاتىن 150 مەترلىك توسقاۋىل جاسادى.

سونىمەن قاتار قازاق­ستان­نىڭ باتىسىندا 5546 اسكە­ري ءبولىمىنىڭ 125 ساربازى 10 اۆتوتەحنيكانىڭ كومەگىمەن سۋ تاسقىنىنا قارسى كۇرەس جۇمىستارىن جۇرگىزىپ جاتىر. ونىڭ ىشىندە 50 سارباز بەن وفيتسەر 2 اۋىسىمدا پوليتسيا قىزمەتكەرلەرىمەن بىرلەسىپ, قۇلسارى قالاسىنىڭ كوشەلەرىندە يەسىز ۇيلەردى توناۋعا جول بەرمەۋ ءۇشىن قىزمەت اتقارىپ ءجۇر. سونداي-اق اتالعان اسكەري ءبولىمنىڭ 75 ساربازى قازىردىڭ وزىندە 1500-دەن اسا قۇم سالىنعان قاپ دايىندادى. ايتا كەتە­يىك, جەكە قۇرام مۇناي كوم­پانيالارىنىڭ ءبىرىنىڭ اۋما­عىن­دا ورنالاسقان, ول تۇراقتى ور­نا­لاسۋ پۋنكتىنەن 90 كم قا­شىق­تىقتا.

ەل استاناسىندا دا سۋ تاس­قى­نى بايقالا باستادى. تالاپ­كەر ەلدى مەكەنىنە قاۋىپ ءتونىپ تۇر. بىراق ونىڭ الدىن الۋ جۇمىستارىنا 6636 اسكەري ءبولىمنىڭ 70 اسكەري قىزمەتكەرى جۇمىلدىرىلدى. ولار 2 اۋىسىمدا, كۇندىز-ءتۇنى قوستاناي تاس جولى بويىنداعى ەسىل وزەنىنىڭ كوپىرىن باقىلاۋدا ۇستاپ وتىر. بۇدان بولەك, ءبىر جارىم مىڭنان استام قۇم تولى قاپتىڭ كومەگىمەن سۋ كەلۋى مۇمكىن جاعالاردى نى­عاي­تىپ جاتىر. جالپى, سۋ تاس­قىنىنان زارداپ شەككەن جانە سۋ باسۋى مۇمكىن ەلدى مەكەندەردە بارلىعى 1500-دەن استام ۇلتتىق ۇلان جاۋىنگەرى قىزمەت اتقارىپ ءجۇر. بۇگىندە قۇقىقتىق ءتارتىپ اسكەرلەرىنىڭ اسكەري قىزمەتشىلەرى ينەرتتى ماتەريالدار – قۇم نەمەسە ساز تولتىرىلعان 185 مىڭنان استام قاپشىق دايىندادى جانە ولاردى قاجەتتى جەرلەرگە توسەدى.