سەناتتىڭ اگرارلىق ماسەلەلەر, تابيعاتتى پايدالانۋ جانە اۋىلدىق اۋماقتاردى دامىتۋ كوميتەتىنىڭ دەپۋتاتتارى سىرداريا سۋ وبەكتىلەرىن رەسپۋبليكالىق مەنشىككە بەرۋ قاجەتتىگىن العا تارتقان ەدى. بۇل ماسەلەنى قايتا قوزعاعان سەناتور رۋسلان رۇستەموۆ ۇكىمەت باسشىسىنىڭ اتىنا دەپۋتاتتىق ساۋال جولدادى, دەپ حابارلايدى Egemen.kz جوعارعى پالاتانىڭ ءباسپاسوز قىزمەتىنە سىلتەمە جاساپ.
«قىزىلوردا وبلىسىنىڭ الەۋمەتتىك-ەكونوميكالىق جانە ەكولوگيالىق جاعدايى سىرداريا وزەنى باسسەينىنىڭ كەپىلدى سۋمەن قامتاماسىز ەتىلۋىنە جانە سۋارمالى جەرلەردىڭ مەليوراتيۆتىك جاعدايىنا تىكەلەي بايلانىستى. سۋارمالى كانالداردىڭ, قاشىرتقىلاردىڭ جانە گيدروتەحنيكالىق قۇرىلىستاردىڭ توزۋىنا بايلانىستى سۋارمالى جەرلەردىڭ مەليوراتيۆتىك جاعدايى ناشارلاعان, بۇل سۋارمالى سۋدىڭ جوعالۋىنا اكەلەدى. سۋارۋ جۇيەسىنىڭ پايدالى اسەر كوەففيتسيەنتى وتە تومەن. يرريگاتسيالىق جۇيەلەر ءار ءتۇرلى ورگاندارعا بەكىتىلگەندىكتەن باسقارۋ جۇيەسى بۇزىلعان. سۋارۋ جۇيەلەرىنىڭ قاناعاتتانارلىقسىز جاعدايىنا بايلانىستى, وڭىردە جىل سايىن شامامەن 2 ملرد تەكشە مەتر سۋ جوعالادى, بۇل ەلىمىزدەگى جىل سايىنعى سۋ شىعىنىنىڭ تەڭ جارتىسى», دەدى سەنات دەپۋتاتى.
دەپۋتات وبلىس اۋماعىنداعى ىشكى شارۋاشىلىق كانالدار «يرريگاتسيالىق جانە درەناجدىق جۇيەلەردى جەتىلدىرۋ» جوباسىنا ەنگىزىلگەنىن اتاپ ءوتىپ, سىرداريانىڭ سۋ وبەكتىلەرىن بەرۋ پروتسەسى 2016 جىلى ىسكە قوسىلۋى ءتيىس ەكەنىن ايتتى. الايدا, بۇگىنگى كۇنگە دەيىن سۋ وبەكتىلەرى رەسپۋبليكالىق مەنشىككە ءالى قابىلدانباعان.
سەناتور وسىعان بايلانىستى پرەمەر-مينيستردەن يرريگاتسيالىق جۇيەلەردە قالىپتاسقان تەحنيكالىق-مەليوراتسيالىق جاعدايدى جاقسارتۋ جانە قىزىلوردا وبلىسىندا سۋ تاپشىلىعى جاعدايىندا سۋدى رەتتەۋدىڭ بىرىڭعاي جۇيەسىن قالىپتاستىرۋ ءۇشىن وسى وبەكتىلەردى رەسپۋبليكالىق مەنشىككە قابىلداۋعا جاردەمدەسۋدى سۇرادى.