الماتى وبلىسىندا جوعالىپ كەتكەن ءۇش جاسار قىزدى ىزدەۋ جۇمىستارى جالعاسىپ جاتىر. بۇل تۋرالى الماتى وبلىسىنىڭ پوليتسيا دەپارتامەنتى حابارلادى, دەپ جازادى Egemen.kz.
اۋقىمدى ىزدەۋ جۇمىستارى ءالى ناتيجە بەرگەن جوق.
ايتا كەتەيىك, ءۇش جاسار اياسوفيا ەكى اپتادان بەرى ىزدەستىرىلىپ جاتىر.
ەستەرىڭىزگە سالا كەتەيىك, 17 ناۋرىزدا الماتى وبلىسىنىڭ توتەنشە جاعدايلار دەپارتامەنتىنە ەڭبەكشىقازاق اۋدانىنداعى كۇش اۋىلى ماڭىندا 2021 جىلى تۋعان قىز بالا جوعالىپ كەتكەنى تۋرالى حابارلاما تۇسكەن ەدى. ول ۇيدەن شىعىپ, وسى كۇنگە دەيىن ورالماعان.
بۇعان دەيىن 3 جاسار قىزدى ىزدەۋگە 300 ادام شىققان.
قۇتقارۋشىلار ءبىرىنشى كۇننەن باستاپ شىنجىرمەن ءتىزىلىپ, تاراق ادىسىمەن جەر بەتىندە ىزدەۋ جۇمىستارىن جۇرگىزدى. جەر بەتىندەگى ىزدەستىرۋ جۇمىستارىمەن قاتار ROSO قۇتقارۋشىلارى ۇيگە جاقىن ماڭداعى سۋ ايدىنىنا سۇڭگۋ جۇمىستارىن جۇرگىزدى. ىزدەستىرۋ جۇمىستارىنا ارنايى ۇيرەتىلگەن يتتەر مەن «كازاۆياسپاس» تىكۇشاعى جۇمىلدىرىلدى.