ەربول وسپانوۆ بۇرىن اتقارعان قىزمەتىنەن بوساتىلىپ, دەنساۋلىق ساقتاۋ ۆيتسە-ءمينيسترى لاۋازىمىنا تاعايىندالدى, دەپ حابارلايدى Egemen.kz.
بۇل تۋرالى 1 ساۋىردە ۇكىمەتتىڭ ءباسپاسوز قىزمەتى حابارلادى.
ەربول وسپانوۆ 1977 جىلى وڭتۇستىك قازاقستان وبلىسىندا دۇنيەگە كەلگەن. 1998 جىلى ءال-فارابي اتىنداعى قازاق مەملەكەتتىك ۇلتتىق ۋنيۆەرسيتەتىن, 2002 جىلى قازاق ۇلتتىق اگرارلىق ۋنيۆەرسيتەتىن بىتىرگەن.
ەڭبەك جولىن 1999 جىلى «قازگيپروجەلدورترانس» اق ينجەنەرى بولىپ باستادى.
«قازاقستان تەمىر جول كولىگى عىلىمي-زەرتتەۋ ينستيتۋتى» جشس جوبا جەتەكشىسى, «قارجى جۇيەلەرىن اقپاراتتاندىرۋ ورتالىعى» اق جەتەكشى ينجەنەر-كونسترۋكتورى قىزمەتتەرىن اتقارعان.
وسى جىلدارى «ۇلتتىق اقپاراتتىق تەحنولوگيالار» اق, «زەردە» ۇلتتىق ينفوكوممۋنيكاتسيا حولدينگى» اق, قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ مينيسترلىگىنىڭ قۇرىلىمدارىندا باسشىلىق قىزمەتتەردى اتقارعان.
2020 جىلدان باستاپ قازىرگى ۋاقىتقا دەيىن – قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ ۆيتسە-ءمينيسترى بولدى.