«اۋىل» فراكتسياسى دەپۋتاتتارى اتىنان قاراقات ابدەن جولداردىڭ ساپاسىزدىعىنا نازار اۋدارىپ, پرەمەر-مينيستر ولجاس بەكتەنوۆكە دەپۋتاتتىق ساۋالىن جولدادى, دەپ حابارلايدى Egemen.kz.
دەپۋتاتتىڭ ايتۋىنشا, ۇلىتاۋ وبلىسىنا ىسساپارمەن بارىپ, سوندا كورگەن-بىلگەن ءبىراز ماسەلە وسى مىنبەردە باياندالعانىمەن, «قولعا الىنادى» دەگەن جالتارما جاۋاپتار بەرىلگەن.
«ناقتى شەشىم جوق جەردە ماسەلە قوردالانا بەرەدى. ۇلت ۇياسى – ۇلىتاۋ وبلىسىن قارقىندى دامىتۋ كەرەك دەگەن مەملەكەت باسشىسىنىڭ تاپسىرماسى تۇسىندا جايباسارلىققا سالىنۋ ءجون بولماس», دەدى دەپۋتات.
دەپۋتتاتتىڭ سوزىنشە, كوكتەم – قۇرىلىستىڭ ناعىز قىزاتىن, ءارى قولايلى ۋاقىتى. جوبالىق-سمەتالىق قۇجاتتامامەن اينالىسىپ جۇرگەندە, جول سالۋدىڭ ماۋسىمى ءوتىپ كەتىپ جاتىر.
- «قىزىلوردا-جەزقازعان» جولىنىڭ جايى ماعان بالا كەزدەن تانىس. بۇل ماسەلە سول كەزدە وزەكتى ەدى, قاراپ تۇرساڭىز, قانشا جىل وتسە دە, «باياعى جارتاس – سول جارتاس». اتالعان جول بويىنشا مەردىگەر كومپانيالاردىڭ وتىنىمدەرى ءالى باعالانۋ ساتىسىندا تۇر. قۇجاتتاردىڭ راسىمدەلۋى «گوسەكسپەرتيزا» مەن «قازاۆتوجول» اراسىندا ىلگەرى-كەيىن دوپشا دومالاپ ءجۇر. ال «جەزقازعان-قاراعاندى» تاس جولىنا قاتىستى مەردىگەرلىك كومپانيالاردى انىقتاۋ ءالى جوسپارلانىپ وتىرعانعا ۇقسايدى. دەمەك, ناقتى ىسكە قاشان كوشىپ, قۇرىلىستىڭ قاشان باستالاتىنى بەلگىسىز, - دەدى قاراقات ابدەن.
ونىڭ پىكىرىنشە, حالىق وڭىرلىك باسشىلىقتىڭ ۋاقىتىلى قيمىلداماۋىنا, جايباسارلىعىنا نارازى, بىراق اتالعان باعىتتاعى اۆتوموبيل جولدارىنىڭ سالىنۋى جانە باقىلانۋى وبلىس اكىمدىگىنە ەمەس تىكەلەي كولىك مينيسترلىگىنە قارايدى. اتالعان ۆەدومستۆو باسشىلارى وتىنىمدەردىڭ قارالۋىن, باعالانۋىن, راستالۋىن, قارجىنىڭ ءبولىنۋىن قاتاڭ باقىلاۋى كەرەك.
«تالاپ بولۋ كەرەك. سۇراۋى بولماسا ءىستىڭ ءمانى كەتىپ قالادى. ۇنەمى قاداعالانسا, ءبىر قوزعالىس بولارى انىق. ايتپەسە, بۇل تاس جولدار قىرشىن كەتكەن تاعدىرلاردىڭ «ەسكەرتكىشىنە» اينالعانى قاشان؟», دەدى دەپۋتات.
قاراقات ابدەننىڭ ايتۋىنشا, تاعى ءبىر جول – «جەزقازعان-قاراعاندى» تاسجولى – كەڭەستىك كەزەڭنەن كۇردەلى جوندەۋ كورمەگەن, جيەكتەرى ابدەن ءمۇجىلىپ, تارىلىپ بارادى. دەپۋتات ۇسىنعان دەرەكتەرگە سايكەس, ءدال وسى جولدا 2023 جىلى 129 جول-كولىك وقيعاسى تىركەلىپ, 167 ادام دەنە جاراقاتىن العان, 37-ءسى قازا تاپقان. ال وسى جىلدىڭ 2 ايىندا 23 جول-كولىك وقيعاسى بولىپ, 37 ادام جاراقاتتانىپ, 2 ادام كوز جۇمعان.
ء«ۇشىنشى قۇرىلتاي وتكەندە پرەزيدەنت قاسىم-جومارت توقاەۆ: «جول سالۋ جانە ونى جوندەۋ جۇمىستارى ەكونوميكانىڭ دامۋىنا تىڭ سەرپىن بەرەدى», دەگەن ەدى. جول بولماسا, قانداي سەرپىن, قانداي دامۋ بولادى؟ جولىمىزدىڭ ءتۇرى اناۋ بولسا, قانداي قارقىندى ەكونوميكا, قانداي تابىستى تۋريزم كۇتەمىز؟ حالىقتىڭ ءال-اۋقاتى وسى جولعا بايلانىستى. وبلىسارالىق جولداردىڭ ساپاسىزدىعى ءوڭىردىڭ دامۋىنا, ينۆەستيتسيانىڭ تارتىلۋىنا كەدەرگى بولىپ تۇر, سونداي-اق جول تاسىمالىنىڭ قيىندىعىن سەبەپ قىلىپ, ازىق-ت ۇلىك تە قىمباتتايدى. بۇل تاعى قاراپايىم حالىقتىڭ قالتاسىن قاعاتىنى بەلگىلى», دەدى ق.ابدەن.
وسى ورايدا دەپۋتات «قىزىلوردا-جەزقازعان», «قاراعاندى-جەزقازعان» تاس جولدارىنىڭ سالىنۋى مەن جوندەلۋىنە ساراپتاما جاسالىپ, ناقتىلانعان جۇمىس جوسپارىن بەرۋدى سۇرادى.
«سونداي-اق جۇمىس جوسپارى بويىنشا بۇل ءىستى قاداعالاۋدى نازارعا الۋدى سۇرايمىز», دەپ ءسوزىن تۇيىندەدى «اۋىل» فراكتسياسى پارتياسىنىڭ دەپۋتاتى.