قوناەۆ قالاسىندا بويجەتكەندى جاۋىزدىقپەن ولتىرگەن ەكى كۇدىكتى ۇستالدى

قورعا مارقۇمنىڭ اپكەسى جازعان. ول ءسىڭلىسىنىڭ 18-21 جاس ارالىعىنداعى قوناەۆ قالاسىنىڭ تۇرعىندارىنىڭ قولىنان قايتىس بولعانىنىن مالىمدەگەن.

18 جاسار جاننۇر ولاردىڭ بىرىمەن 7 ناۋرىز كۇنى تانىسقان.

«ول شامامەن 14-15 ناۋرىز ارالىعىندا قاتىگەزدىكپەن ولتىرىلگەن. ولار جاننۇردى قالادان الىسقا الىپ كەتىپ,  ونىڭ تەلەفون ءنومىرى ارقىلى نەسيە العان. اياۋسىز ۇرىپ, ايدالادا باقاناس ماڭىندا ءمايىتىن قالدىرىپ كەتكەن. تۋىستارىنا ءمايىتتىڭ 21 ناۋرىزدا تابىلعانى حابارلاندى», دەلىنگەن NeMolchiKZ قورى تاراتقان حابارلامادا.

الماتى وبلىسى ءىىد ءباسپاسوز قىزمەتىنىڭ حابارلاۋىنشا, جاس قىزدى ءولتىردى دەگەن كۇدىكتىلەر ۇستالدى. كىسى ءولتىرۋ تۋرالى دەرەك پوليتسياعا 21 ناۋرىزدا تۇسكەن.

«بۇل اقپاراتتى ءبىز بىردەن تەكسەردىك, 2006 جىلى تۋعان قىزدى ءولتىرۋ فاكتىسى راستالدى. كىسى ءولتىرۋ دەرەگى بويىنشا قوناەۆ قالالىق پوليتسيا ءبولىمى قىلمىستىق ءىس قوزعادى. پوليتسيا قىزمەتكەرلەرى 2001 جانە 2003 جىلى تۋعان ەكى ازاماتتى انىقتاپ, ۇستادى. تەرگەۋ بارىسىندا كۇدىكتىلەر ناۋرىزدىڭ 14-ىنەن 15-ىنە قاراعان ءتۇنى قوناەۆ قالاسىنداعى قاڭىراپ بوس جاتقان جەردە جاس قىزدى ولتىرگەن. كۇدىكتىلەردىڭ ەكەۋى قولعا ءتۇستى», دەدى وبلىستىق پوليتسيا دەپارتامەنتىنىڭ باسشىسى باۋىرجان الەنوۆ.