الماتى وبلىسىنا قاراستى كۇش اۋىلىندا جوعالىپ كەتكەن ءۇش جاسار قىزدى ىزدەۋگە 300-گە جۋىق ادام جۇمىلدىرىلدى, دەپ حابارلايدى Egemen.kz.
17 ناۋرىز كۇنى تۇستەن كەيىن ەڭبەكشىقازاق اۋدانى, كۇش اۋىلىندا ءۇش جاسار قىز بالا جوعالىپ كەتكەن. پوليتسياعا قىزدىڭ اناسى حابارلاسىپ, كومەك سۇراعان. اۋداندا ارنايى ىزدەۋ توبى قۇرىلىپ, جوعالعان بالانى ىزدەۋگە جەرگىلىكتى تۇرعىندار دا قوسىلدى. قازىر ىزدەۋ جۇمىستارىنا 300-گە جۋىق ادام جۇمىلدىرىلدى.
«پوليتسياعا كۇش اۋىلىنىڭ 40 جاستاعى تۇرعىنى حابارلاسىپ, 17 ناۋرىزدا ساعات 16:00 شاماسىندا ءۇش جاسار قىزى ۇيىنەن شىعىپ كەتىپ, قايتىپ ورالماعانىن جەتكىزدى. بۇل دەرەك بىردەن اۋداندىق ىشكى ىستەر بولىمىنە تىركەلدى. ارنايى ىزدەستىرۋ توبى قۇرىلدى. قازىر ارنايى ۇيرەتىلگەن يتتەر ارقىلى اۋقىمدى ىزدەستىرۋ شارالارى جۇرگىزىلىپ جاتىر», دەپ حابارلادى الماتى وبلىسى ەڭبەكشىقازاق اۋدانىنىڭ اكىمدىگى.