اقمولا وبلىسى ەسىل قالاسىندا كولىك جۋ نىسانىندا Audi A6 كولىگىنەن 28 جانە 29 جاستاعى ەكى ەر ادامنىڭ دەنەسى تابىلدى, دەپ حابارلايدى Egemen.kz sinegor.kz سايتىنا سىلتەمە جاساپ.
وقيعا 5 ناۋرىزدا بولعان. ەسىل اۋداندىق پوليتسيا ءبولىمىنىڭ كەزەكشى بولىمىنە تاڭعى ساعات 07.45-تە قالا تۇرعىنىنان كولىك جۋ ورنىندا ءبىر كولىك تۇرعانى جانە ونىڭ ىشىندە ەكى ولگەن ادامنىڭ جاتقانى تۋرالى حابارلاما تۇسكەن.
پوليتسيا ولاردىڭ كىم ەكەنىن انىقتادى. قايتىس بولعانداردىڭ ءبىرى - ەسىل اۋداندىق ىشكى ىستەر ءبولىمىنىڭ ۋاقىتشا ۇستاۋ يزولياتورىندا جۇمىس ىستەگەن پوليتسيا سەرجانتى. ەكىنشىسى – جەرگىلىكتى تۇرعىن.
الدىن الا مالىمەت بويىنشا, زورلىق-زومبىلىق بەلگىلەرى تابىلمادى. قازىر وقيعانىڭ ءمان-جايى انىقتالىپ جاتىر.