20 جىل بۇرىن بەلگيالىق ايەل اسىراپ العان قازاق بالاسى قازاقستانعا قايتا كەلدى. جانىبەك ساۆەلەۆ 28 اقپان كۇنى «مىڭ العىس» ءىس-شاراسىنا قاتىسىپ, تۋعان اناسىن ىزدەۋگە قول ۇشىن سوزىپ جاتقان جاندارعا ريزاشىلىعىن ءبىلدىردى. ال بۇگىن ول بالالار اۋىلىنا بارىپ, اكەسىز, اناسىز ءوسىپ جاتقان بۇلدىرشىندەرگە سىيلىق ۇلەستىردى, دەپ جازادى Egemen.kz.
جانىبەك بۇگىنگى العىس ايتۋ كۇنىنە وراي ۇيىمداستىرىلعان قايىرىمدىلىق ءىس-شاراسىنا قاتىستى. ول ارقالىقتاعى بالالار ۇيىندە كەشكەن ەستەلىكتەرىن ءبولىسىپ, سونداي ورتالىقتاردا جۇمىس ىستەيتىن تاربيەشىلەرگە العىس ايتتى.
«وسى مەيىرىمدى مەرەكەدە العىسىمدى ءبىلدىرۋ ءۇشىن, استاناداعى @kindervillage اۋىلىنداعى بالالاردى قۋانتىپ, كوپتەگەن سىيلىق, ويىنشىقپەن بارۋعا رۇقسات ەتىلدى. كەيبىر بالالاردىڭ اناسى دا, اكەسى دە جوق جانە ولار كامەلەتكە تولعانعا دەيىن وسى بالالار اۋىلىندا ءتۇرلى جاستاعى بالالارمەن بىرگە ارالاس وتباسىندا تۇرادى ەكەن. ولار سىيلىقتاردى الىپ, اشىپ, كورىپ جاتقاندا, جۇزىندەرىندەگى قۋانىشتى بايقاپ, ءوزىم دە تولقىپ كەتتىم.
وسى ەرەكشە مەرەكەدە ءار بالانىڭ جاقسى, جىلى ۇيدە ءومىر ءسۇرۋىن تىلەيمىن ءار بالانىڭ ادەمى اپكەسى مەن اعاسى بولىپ, جالعىزسىراماۋىن سۇرايمىن. ءار ادامنىڭ الدىندا جارقىن بولاشاق بولسا ەكەن دەپ تىلەيمىن», دەپ جازدى جانىبەك الەۋمەتتىك جەلىدەگى پاراقشاسىندا.