قازاق ۇلتتىق اگرارلىق زەرتتەۋ ۋنيۆەرسيتەتىنىڭ باسقارما توراعاسى - رەكتورى اقىلبەك كۇرىشباەۆ اقش-قا ساپارى بارىسىندا وسى ەلدىڭ جەتەكشى وقۋ ورنى نەبراسكا لينكولن ۋنيۆەرسيتەتىنىڭ باسشىلىعىمەن كەزدەسىپ, ەكى جوو اراسىندا «جان-جاقتى جانە ءوزارا ءتيىمدى ىنتىماقتاستىق پەن ارىپتەستىكتى دامىتۋ تۋرالى كەلىسىمگە» قول قويدى, دەپ جازادى Egemen.kz.
نەبراسكا لينكولن ۋنيۆەرسيتەتى تاراپىنان قۇجاتقا ۋنيۆەرسيتەتتىڭ باسقارما توراعاسى – رەگەنت, پروفەسسور رودني بەننەتت قول قويدى.
كەلىسىم ۋنيۆەرسيتەتتەردىڭ اگرونوميا, تابيعي جانە سۋ رەسۋرستارىن باسقارۋ, قورشاعان ورتا تۋرالى عىلىم, بيولوگيالىق جۇيەلەر ينجەنەرياسى جانە باسقا دا ماگيسترلىك باعدارلامالار سالاسىندا ەكى ديپلومدىق ءبىلىم بەرۋ باعدارلاماسىن قۇرۋ بويىنشا ىنتىماقتاستىقتى كوزدەيدى. بۇل ماڭىزدى قادام KazNARU ستۋدەنتتەرىنە اقش-تا وقۋدى قامتاماسىز ەتۋگە مۇمكىندىك بەرەدى.
كەلىسىم سونداي-اق قازاقستان ءۇشىن ماڭىزدى جوبانى: ەلىمىزدەگى فەرمەرلەر اراسىندا جاڭا تەحنولوگيالار مەن عىلىمي ازىرلەمەلەردى ۇسىنۋ جانە تاراتۋ جونىندەگى ەxtension services ورتالىعىن قۇرۋ بويىنشا كونسۋلتاتسيالار مەن جول كارتاسىن ازىرلەۋ جونىندەگى جۇمىستاردى باستاۋدى, سونداي-اق سۋ رەسۋرستارىن باسقارۋ بويىنشا بىرلەسكەن زەرتتەۋلەر جۇرگىزۋ جونىندەگى ىنتىماقتاستىق تەتىگىن دامىتۋدى كوزدەيدى.
نەبراسكا لينكولن ۋنيۆەرسيتەتىنىڭ باسشىلارىمەن تالقىلاۋ بارىسىندا عىلىمي سالاداعى سەرىكتەستىكتى دامىتۋدىڭ ناقتى قادامدارى دا ايتىلدى. تاراپتار نەبراسكا لينكولن ۋنيۆەرسيتەتىنىڭ وكىلدى دەلەگاتسياسى جاقىن ارادا KazNARU-عا ىنتىماقتاستىق ماسەلەلەرىن ناقتىلاۋ, سونداي-اق ستۋدەنتتەر ءۇشىن سپۋتنيكتىك كامپۋس پەن فەرمەرلەردىڭ ءبىلىمىن تاراتۋ ورتالىعىن قۇرۋ مۇمكىندىگىن تالقىلاۋ ءۇشىن ساپارلاپ كەلۋگە كەلىستى.
كەلىسسوزدەر بارىسىندا جوعارى وقۋ ورىندارىنىڭ باسشىلارى نەبراسكا ۋنيۆەرسيتەتىنەن وقىتۋشىلاردىڭ Workshop سەريالارىن, سەمينارلاردى, پوق بىلىكتىلىگىن ارتتىرۋ كۋرستارىن وتكىزۋ جانە KazNARU ماگيسترانتتارى مەن دوكتورانتتارى ءۇشىن دارىستەر وقۋ ءۇشىن كەلۋ مۇمكىندىگىن تالقىلادى.
قازاق ۇلتتىق اگرارلىق زەرتتەۋ ۋنيۆەرسيتەتىنىڭ رەكتورى ا.ق.كۇرىشباەۆ سونداي-اق يرريگاتسيالىق جۇيەلەرگە ارنالعان جابدىقتار مەن تەحنولوگيالار وندىرەتىن الەمدەگى ەڭ ءىرى كومپانيالاردىڭ ءبىرى – «Wellmont» كومپانياسىنىڭ ۆيتسە-پرەزيدەنتى دارين سيكمەن مىرزامەن سۋ شارۋاشىلىعى بويىنشا بىرلەسكەن قۇزىرەتتىلىك ورتالىعىن قۇرۋ ماسەلەسى بويىنشا كەزدەستى.
كەزدەسۋ اياسىندا KazNARU باسشىلىعى عىلىمي زەرتحانالارعا, يننوۆاتسيالىق جىلىجايعا بارىپ, نەبراسكا لينكولن ۋنيۆەرسيتەتىنىڭ ەxtension services ورتالىعىنىڭ جۇمىسىمەن تانىستى.
وسىلايشا, KazNARU باسشىلىعىنىڭ اقش-تىڭ جەتەكشى ۋنيۆەرسيتەتتەرىنىڭ ءبىرى نەبراسكا لينكولنگە ساپارى وتە ناتيجەلى بولدى.
ۋنيۆەرسيتەتتەر باسشىلىعىنىڭ كەزدەسۋىندە قول جەتكىزىلگەن ناتيجەلەر KazNARU-عا حالىقارالىق ينتەگراتسيانىڭ جاڭا دەڭگەيىنە شىعۋعا, ءبىلىم بەرۋ باعدارلامالارىنىڭ ساپاسىن جانە عىلىمي زەرتتەۋلەر دەڭگەيىن, ونىڭ ىشىندە سۋ قاۋىپسىزدىگى ماسەلەلەرى بويىنشا ارتتىرۋعا, قازاقستاندا فەرمەرلەرگە قىزمەت كورسەتەتىن قۇزىرەتتى ورتالىقتار قۇرۋ ءۇشىن قاجەتتى جاعدايلار جاساۋعا مۇمكىندىك بەرمەك.