جامبىل وبلىسىندا قۇنى 10 ملن تەڭگەنى قۇرايتىن ءۇندى ماريحۋاناسى تاركىلەندى. «توسقاۋىل» جەدەل-پروفيلاكتيكالىق ءىس-شاراسى اياسىندا تاراز قالاسىنىڭ 50 جاسار تۇرعىنى ەسىرتكى زاتتارىن ساقتاعانى انىقتالدى, دەپ جازادى Egemen.kz Polisia.kz-كە سىلتەمە جاساپ.
«ياگو ەسىمدى قىزمەتتىك يت تۇرعىلىقتى جەرىن ءتىنتۋ كەزىندە قورا مەن باقشادا جاسىرىلعان ەسىرتكىنى تابۋعا كومەكتەستى. كۇدىكتى تىيىم سالىنعان زاتتاردى كانيسترلەردە ساقتاعان. جالپى سالماعى 4 كەلى 604 گرامم كەپتىرىلگەن ءۇندى ماريحۋاناسى تاركىلەندى», دەلىنگەن اقپاراتتا.
جامبىل وبلىسى پد ەسىرتكى قىلمىسىنا قارسى ءىس-قيمىل باسقارماسىنىڭ باستىعى پوليتسيا پولكوۆنيگى ءالىم باجىقباەۆ كۇدىكتى قامالىپ, سوتقا دەيىنگى تەرگەۋ امالدارى جۇرگىزىلىپ جاتقانىن ايتتى.