جەدەل-ىزدەستىرۋ شارالارى ناتيجەسىندە تۇركىستان وبلىسى پد ەكسترەميزمگە قارسى ءىس-قيمىل باسقارماسىنىڭ قىزمەتكەرلەرى ۇقكد جانە پروكۋراتۋرامەن بىرلەسىپ, ەسىرتكى زاتتارىن ساتۋمەن اينالىسقان ەكى كۇدىكتىنى انىقتادى, دەپ جازادى Egemen.kz Polisia.kz-كە سىلتەمە جاساپ.
«كەنتاۋ قالاسىندا تۇراتىن ءبىرىنىڭ ءۇيىن ءتىنتۋ كەزىندە جەدەل ۋاكىلدەر ەسىرتكى زەرتحاناسى مەن پريتوندى انىقتادى. سونىمەن قاتار قۇرامىندا اپيىن بار 10 مل 2 قۇتى, پاكەتتەگى ماريحۋانا, ەسىرتكى دايىنداۋعا ارنالعان زاتتار مەن شولاق مىلتىق تاركىلەندى. ەكىنشى كۇدىكتىنىڭ مەكەنجايىنان راديكالدى مازمۇنداعى ءدىني كىتاپ تابىلدى. كۇدىكتىلەر كەنتاۋ مەن تۇركىستان قالاسىنىڭ تۇرعىندارى, ولاردىڭ ءبىرى دەسترۋكتيۆتى ءدىني اعىمنىڭ جاقتاۋشىسى رەتىندە ەسەپتە تۇر. ەكەۋى دە بۇرىن سوتتى بولعان. قازىرگى ۋاقىتتا سوتقا دەيىنگى تەرگەۋ امالدارى جۇرگىزىلىپ جاتىر», دەپ جازىلعان اقپاراتتا.
كۇدىكتىلەر قاماۋعا الىندى.