ءىىم ترانسۇلتتىق ۇيىمداسقان قىلمىستىق توپتىڭ سينتەتيكالىق ەسىرتكى ءوندىرۋ جانە تاراتۋ ارناسىن انىقتاپ, جۇمىسىنا توسقاۋىل قويدى, دەپ جازادى Egemen.kz Polisia.kz-كە سىلتەمە جاساپ.
«شەتەلدىك ءۇش ازاماتقا قاتىستى ترانسۇلتتىق ۇيىمداسقان توپ قۇرعانى, وعان باسشىلىق جاساعانى جانە قاتىسقانى ءۇشىن قىلمىستىق ءىس قوزعالدى. قىلمىستىق توپتىڭ مۇشەلەرى اقمولا وبلىسى ەرەيمەنتاۋ قالاسىنىڭ شەتىندە ورنالاسقان, ۇيىمداستىرۋشى ساتىپ العان جەكە ۇيدە ۇستالدى. وندا كۇدىكتىلەر پسيحوتروپتىق زاتتاردى دايىنداپ, ساقتاعانى» انىقتالدى.
«توپ مۇشەلەرىنىڭ اراسىندا رولدەر مەن مىندەتتەر ناقتى ءوزارا ايقىندالعان. ەسىرتكى زەرتحاناسىندا سالقىنداتۋ, جەلدەتۋ جۇيەلەرى, سونداي-اق سينتەتيكا ءوندىرۋ ءۇشىن ارنايى جابدىقتار بولعان. ەسىرتكى جاسىرىن تۇردە, قاتاڭ قۇپيالىقتى ساقتاۋمەن دايىندالعان. كۇدىكتىلەر كورشىلەردە كۇدىك تۋدىرماس ءۇشىن ۇيدەن تەك قاجەت بولعاندا عانا شىعىپ, ءۇيدىڭ پەريمەترى بويىنشا ۇيىمداستىرۋشىنىڭ Wi-Fi جەلىسىنە شىعاتىن بەينەباقىلاۋ كامەرالارىن ورناتقان. سونىمەن قاتار ەسىرتكى ازىرلەۋگە ارنالعان شيكىزاتتار مەن دايىن ءونىمدى ساقتايتىن گاراج جانە اۆتوكولىك ساتىپ الىنعان. بۇل م ۇلىكتەردىڭ بارلىعى كولەڭكەلى سحەمامەن تولەنىپ, شەتەلدىك ساتىپ الۋشىنىڭ اتىنا تىركەلمەگەن», دەدى ءىىم يميدجدىك جۇمىس جانە ىشكى كوممۋنيكاتسيالار دەپارتامەنتىنىڭ باستىعى شىڭعىس الەكەشەۆ.
كۇدىكتىلەردىڭ مەكەن ەتكەن ءۇيىن ءتىنتۋ كەزىندە 12 كيلودان استام مەفەدرون جانە 17 كيلودان اسا پرەكۋرسور تاركىلەندى.