ايەل قۇقىنا قاتىستى قىلمىس ەكى ەسە ازايعان

بۇگىندە ءبولىنىس پوليتسيا مەن ۇكىمەتتىك ەمەس سەكتور, مەم­لەكەتتىك ورگاندار جانە ايەل­دەر ىستەرى جانە وتباسىلىق-دەمو­گرا­فيالىق ساياسات جونىندەگى ۇلت­تىق كوميسسيا اراسىنداعى باي­لانىستىڭ ءرولىن اتقارىپ وتىر. ءبولىنىس ينسپەكتورلارى پولي­تسيا ورگاندارى قىزمەتتەرىنىڭ وتباسىلىق-تۇرمىستىق قاتى­­ناس­تار سالاسىنداعى قۇ­قىق بۇزۋ­شىلىقتاردىڭ, ايەل­دەر­گە قا­تىستى جاسالعان قىل­مىس­تار­دىڭ الدىن الۋ جونىندەگى قىز­مەتىن ۇيلەستىرۋمەن اي­نالى­سىپ قانا قويماي, تۇر­مىس­­تىق زور­لىق-زومبىلىق قۇر­­بان­­دا­رىن جەكە قابىلداۋدى جۇزەگە اسىرۋدى دا ءوز مىندەت­تە­رىنە الىپ وتىر. سونداي-اق جا­بىر­لەنۋ­­شى­نى قۇقىققا قارسى قول­سۇ­عۋ­شى­لىق­تاردان قورعاۋ جو­نىن­دە قاجەت­تى شارالار قابىل­داي­دى.

ىشكى ىستەر مينيسترلىگى اتاپ وتكەندەي, بىلتىر داعدارىس ور­تالىقتارىنا 7 مىڭنان استام ايەل جىبەرىلگەن. ونىڭ ىشىندە 6 مىڭعا جۋىعى بالالارىمەن بىرگە باسپاناعا ورنالاستىرىل­دى. ال ءبولىنىستىڭ سەنىم تەلەفوندارىنا 56 مىڭنان استام قوڭىراۋ ءتۇستى. ايەلدەردى زور­لىق-زومبىلىقتان قورعاۋ جو­نىندەگى ينسپەكتورلار ايەل­دەرگە 17 مىڭ كەڭەس بەرسە, ولار­دىڭ 11,7 مىڭنان استامى كەيىن­نەن پوليتسياعا جۇگىنگەن. تال­قىلاۋ بارىسىندا 9 مىڭ ادام – اكىمشىلىك, 19 ادام قىل­مىس­تىق جاۋاپكەرشىلىككە تارتىلىپ وتىر. قابىلدانعان ۇيىم­داستىرۋشىلىق جانە قۇقىقتىق شارالاردىڭ ناتيجەسىندە كەيىنگى 6 جىلدا ايەلدەردىڭ قۇقىق­تارىنا قول سۇعاتىن قىل­مىس سانى ەكى ەسە ازايعانىن اتاپ وتكەن ءجون.

سونىمەن بىرگە بىلتىر ايەل­دەردى زورلىق-زومبىلىقتان قور­عاۋ قىزمەتكەرلەرى قۇقىق­تىق تا­قىرىپتا 21 مىڭنان اس­تام بايان­­داما جاساعان. بۇل تا­قى­رىپ­تا ءبولىنىستىڭ پوليتسيا قىز­­مەتكەرلەرى وقۋ ورىندارىندا جانە ەڭبەك ۇجىمدارىندا 31 مىڭ­­­نان استام ءدارىس, سەمينار مەن ترەنينگ وتكىزگەن. ءوز سا­لا­سىن­دا سۇبەلى ەڭبەك ەتىپ, ان­تىنا ادال­دىق تانىتىپ جۇرگەن قىز­مەت­كەر­لەر اراسىندا مە­دال, گراموتا جانە العىسحاتتارمەن مارا­پاتتالعاندار دا بار.

ساراپشىلاردىڭ پايىم­داۋىنشا, الەمدە ءاربىر ءۇشىنشى ايەل كۇش كورسەتۋ جانە جى­نىس­تىق زورلىققا ۇشىرايدى. كەيىن­گى جىل­دارى قۇقىق قورعاۋ سالاسىن­داعى دۇنيەجۇزىلىك ۇيىم­­­دار­دىڭ ساراپشى مامان­دارى دا دۇنيە ءجۇزى مەملەكەتتەرىن ايەلدەر مەن قىزداردىڭ قۇقىعىن قور­عاپ, مۇمكىندىگىن ارتتىرۋدى كۇ­شەيتۋگە شاقىرىپ كەلەدى. ەلىمىزدە دە بۇل باعىتتا اتقا­رىل­­­عان جۇمىس كوپ. زاڭدارىمىز قاتايىپ, پوليتسيا ءبولىنىسىنىڭ جۇمىسى جانداندىرىلىپ جاتىر. سەبەبى مەملەكەت باسشىسى ايتقانداي, ازاماتتاردىڭ بارىنە تەڭ مۇمكىندىك بەرەتىن قوعام قۇرۋ, سونىڭ ىشىندە ايەلدەر مەن بالالاردىڭ قۇقىعىن قورعاۋ – باس­تى مىندەت.