استاناداعى ۇلتتىق اكادەميالىق كىتاپحانادا «رەسەي مەملەكەتتىك دۋماسى جانە قازاقستان» كىتابىنىڭ (اۆتورى ومىرزاق وزعانباەۆ) تۇساۋكەسەرى ءوتتى. سەنات دەپۋتاتتارى, قوعام قايراتكەرلەرى, زيالى قاۋىم وكىلدەرى قاتىسىپ, قازاق تاريحىنا قاتىستى زەرتتەلۋى ءتيىس ورىسكە قاتىستى پىكىر الماستى, دەپ جازادى Egemen.kz سەناتتىڭ ءباسپاسوز قىزمەتىنە سىلتەمە جاساپ.
سەناتتىڭ الەۋمەتتىك-مادەني دامۋ جانە عىلىم كوميتەتىنىڭ توراعاسى نۇرتورە ءجۇسىپ قازاق حالقىنىڭ تاريحىن زەردەلەۋدىڭ ماڭىزى مەن زەرتتەلمەگەن «ولقىلىقتاردىڭ» ورنىن تولتىرۋ قاجەتتىگىن اتاپ ءوتتى.
«قازاق ەلىنىڭ تاريحىندا ءالى دە زەرتتەلمەي قالعان ماسەلەلەر كوپ. سولاردىڭ ەڭ وزەكتى تالاسقا تولى تۇسى قازاق ەلىنىڭ رەسەي يمپەرياسى قۇرامىندا بولعان ۋاقىتى دەپ ايتار ەدىم. 1905-1917 جىلدار تاريحتا ەلىمىز ءۇشىن دە رەسەي ءۇشىن دە ءۇشىن دە شىتىرمانعا تولى قىم-قيعاش كەزەڭ. ەڭبەكتەن وسى كەزەڭدەگى رەسەيدەگى ساياسي ينستيتۋتتاردىڭ قالىپتاسۋى, ولاردىعى قازاق ەليتاسىنىڭ ورنى جونىندە قۇندى ماعلۇماتتار مەن تىڭ كوزقاراستاردى الۋعا بولادى», دەدى سەناتور.
«قازاق گازەتتەرى» جشس-ءنىڭ باس ديرەكتورى ديحان قامزابەك ۇلى جاس ۇرپاق ءۇشىن رەسەي يمپەرياسىنىڭ قۇرامىنا كىرۋ كەزىندەگى قازاقستان تاريحىن زەردەلەۋدىڭ ماڭىزى زور ەكەنىن اتاپ ءوتتى. ونىڭ ايتۋىنشا, بۇل قازاقستانداعى قازىرگى ساياسي جانە الەۋمەتتىك پروتسەستەردى تەرەڭىرەك تۇسىنۋگە مۇمكىندىك بەرەتىن تىڭ ويلار مەن تالداۋ داعدىسىن قالىپتاستىرۋعا ىقپال ەتەدى.