جىل سايىن 11 اقپان عىلىمداعى ايەلدەر مەن قىزداردىڭ حالىقارالىق كۇنى رەتىندە اتاپ وتىلەدى. وسىناۋ اتاۋلى كۇنگە وراي عىلىم جانە جوعارى ءبىلىم ءمينيسترى ساياسات نۇربەك قۇتتىقتاۋ جولداپ, ەلىمىزدە قانشا عالىم ايەل بار ەكەنىن ايتتى, دەپ جازادى Egemen.kz مينيسترلىكتىڭ ءباسپاسوز قىزمەتىنە سىلتەمە جاساپ.
«عىلىمنىڭ جۇدىرىقتاي جۇرناعىن ۇستاعان عالىم ايەلدەر ەلىمىزدەگى جوعارى وقۋ ورىندارىندا, عىلىم ينستيتۋتتارىندا, زەرتتەۋ الاڭدارىندا ۇزدىكسىز ەڭبەك ەتىپ كەلەدى. بۇل مەرەكە 2015 جىلدان بەرى بۇۇ باس اسسامبلەياسىنىڭ بەكىتۋىمەن اتالىپ وتۋدە. ايشىقتى مەيرامنىڭ بارشامىز ءۇشىن ورنى بولەك ەكەنى اقيقات. ويتكەنى, نازىك جاندىلاردىڭ ادامزات الدىنداعى جاۋاپكەرشىلىگى جوعارى. ۇلتتى ۇشپاققا شىعارىپ, ۇرپاق تاربيەلەۋدە وزىندىك قايتالانباس قولتاڭباسى بار ايەلدەر قاۋىمىنا الەم قارىزدار دەسەم, ارتىق ايتپاعانىم بولار.
قازاقستاندا 22 456 عالىم بولسا, ونىڭ 9 691-ءى ايەلدەر قاۋىمى. بۇل – البەتتە ۇلكەن جەتىستىك. تاريحىمىزعا زەر سالار بولساق, قانشاما عالىم ايەل-انالار ەل تاريحىنا, ۇلت مۇددەسىنە قىزمەت ەتكەنىن اڭعارۋ قيىن ەمەس. ءبىر عانا مىسال, قازاقتىڭ تۇڭعىش ايەل دارىگەرى – اققاعاز دوسجانوۆا. ول 1893 جىلى تورعاي وبلىسى اقتوبە ۋەزى ءبورتى بولىسىندا تۋعان. ا.دوسجانوۆا وقۋىن بiتiرگەن سوڭ مەديتسينا ماماندىعى بويىنشا گينەكولوگيا جانە پەدياتريا سالاسىندا قىزمەت ەتكەن. سونىمەن قاتار حالقىمىزدان شىققان تۇڭعىش گەولوگ ايەل-عالىم – پاتشايىم تاجىباەۆا.
پ.تاجىباەۆانىڭ گەولوگيا عىلىمىنىڭ ىشىندەگى ىرگەلى سالا ليتولوگيانىڭ نەگىزىن قالاعان قازاق قىزى. مىنە, ءبىزدىڭ وتكەنىمىز وسىنداي تۇلعالارمەن جارقىن ءارى ۇلگى بولارلىقتاي. كەشەگى اققاعاز, پاتشايىمداي تۇلعالاردىڭ ءىزباسارى رەتىندە كۇنسۇلۋ دالتونقىزىن اتاپ وتپەسكە بولماس. ك.دالتونقىزى Covid-19 قارسى وتاندىق QazVac ۆاكتسيناسىن جاساپ شىعارىپ, وتاندىق مەديتسيناعا قوماقتى ۇلەس قوسقان عالىم», دەدى مينيستر.
جاقىندا كۇنسۇلۋ زاكاريا الەمنىڭ ۇزدىك عالىمدارى قاتارىنا ەنىپ, قازاقستان عىلىمىنىڭ سالماعىن ارتتىرا ءتۇستى.