تولەبي اۋدانى كەمەقالعان اۋىلدىق وكرۋگىنىڭ تۇرعىنى سابىر ەسقاراەۆ اعاشتان ويۋ ويىپ, قازاقتىڭ ۇلتتىق ناقىشتاعى تۇرمىستىق جانە جادىگەرلىك بۇيىمدارىن جاسايدى.
اعاش ونىمدەرىنەن تۇرمىستىق زاتتاردى جاساۋمەن اينالىسقانىنا 22 جىلدان اسقان شەبەردىڭ قولىنان شىققان ىدىستار, استاۋ, كۇبى, اسحانا بۇيىمدارى حالىق اراسىندا ۇلكەن سۇرانىسقا يە.
بۇل كاسىپتى ەڭ الدىمەن دومبىرا جاساۋدان باستاعان شەبەردىڭ قولىنان شىققان دۇنيەلەرگە وزگە وڭىرلەردەن دە ارنايى تاپسىرىس بەرەتىندەر كوپ. سۇيىكتى ءىسىن كاسىپ كوزىنە اينالدىرىپ, شاكىرت تاربيەلەپ, ىزدەنۋدەن جالىقپاعان شەبەر ۇلتتىق قولونەردى جاڭعىرتۋدى كوزدەپ وتىر. وسى ماقساتپەن ۇلدارىن تاجىريبە الماسۋعا وزگە وبلىستارعا ارنايى جىبەرگەن.
سابىر ەسقاراەۆتىڭ شەبەرحاناسىندا اعاشتان جاسالعان بۇيىمداردىڭ ءتۇر-ءتۇرى بار. سونداي-اق جىلىنا 20 دانا ەپوكسيدتى شايىر دايىندايدى.
تۇركىستان وبلىسى