عالىمدارعا ارتىلعان سەنىم

بۇل جونىندە تۇركىستان قا­لاسىنا جۇمىس ساپارىمەن كە­لىپ, قوجا احمەت ياساۋي اتىن­داعى حالىقارالىق قا­زاق-تۇ­رىك ۋنيۆەرسيتەتىنىڭ عىلى­مي الەۋمەتىمەن تانىسقان ۇلت­تىق عىلىم اكادەمياسىنىڭ باس­شىلىعىمەن بولعان كەز­دە­سۋدە ايتىلدى. اتالعان ۋني­­­ۆەرسيتەتتىڭ بەلسەندى, دا­رىن­­دى عالىمدارىن جوبالارعا تارتۋ جۇ­مىستارىن جالعاستىرۋ جوس­پارلانىپ وتىر. وسى وراي­دا ۋنيۆەرسيتەت رەكتورى جانار تەمىربەكوۆا جانە رەك­تور وكىلى پەيامي بات­تال­مەن كەزدەسۋدە وڭىردەگى عى­لى­مي زەرتتەۋ جۇمىستارى مەن وزەكتى ماسەلەلەر جان-جاق­تى تالقىلانىپ, ەكى تاراپ عى­­لىمدى دامىتۋ بويىن­شا ءوز ۇسى­نىستارىن جەتكىز­دى. ء«بىز رۋحاني استاناعا تۇر­كيا مەم­لەكەتىمەن ىنتىماق­تاس­تىق­تى نىعايتۋ ماقساتىندا كەلىپ وتىرمىز. جاقىن ارادا تۇركياداعى ءىرى عىلىمي قور TÜBİTAK ۇيىمىنا قا­راس­تى ينستيتۋتتارعا قازاق عالىم­دارىنىڭ دەلەگاتسياسى بارادى. ونداعى نەگىزگى ماقسات – قا­زاقستان عىلىمىنىڭ با­سىم باعىتى بويىنشا تۇر­كيا مەم­لەكەتىندەگى ءىرى عى­لى­مي ور­تالىقتار مەن ۋني­ۆەر­سيتەت­تەر اراسىنداعى عى­لى­مي ىنتى­ماقتاستىقتى قۇ­رۋ, عالىمداردى تانىستىرۋ جانە بىرلەسىپ جوبالاردى وتكىزۋ. وسى ماسەلە بويىن­شا دايىندىق جۇمىستارىن پى­سىقتاپ, قاجەت­تى عىلىمي با­عىت­تاردى انىق­تايمىز. سونىڭ نەگىزىندە باع­دار­لاما مەن ءىرى عىلىمي تۇجى­رىمد­اما دايىندايمىز», دەدى اكادەميا وكىلدەرى.

ال ۋنيۆەرسيتەت رەكتورى جا­نار تەمىربەكوۆا جاڭا جوس­پارلارمەن ءبولىسىپ, وڭىردەگى عىلىمدى دامىتۋعا وقۋ ور­نى عالىمدارى بەلسەندى تۇر­دە اتسالىساتىنىن ايتتى. ۋني­ۆەرسيتەت اۋماعىندا «يننو­ۆا­تسيالىق تەحنولوگيالار نە­گىزىندە بيورەسۋرستاردى كوم­مەر­تسيالىق يگەرۋ ارقىلى ق.ا.ياساۋي اتىنداعى حقتۋ بوتانيكالىق باعىنىڭ قۇندى گەنوفوندىن ساقتاۋ» اتتى كوممەرتسيالاندىرۋ جوباسى اياسىندا ارنايى وندىرىستىك تسەح قۇرىلىپ جاتىر. جەمىستەردى عىلىمي زەرتتەۋمەن جانە وندى­رىستىك قايتا وڭدەۋمەن اينالىساتىن شاعىن كاسىپورىن الداعى ۋاقىتتا تۇرعىنداردى ساپالى ەكولوگيالىق تازا جەمىس­پەن جانە كەپتىرىلگەن جەمىس ونىمدەرىمەن قامتاماسىز ەتپەك.

سونداي-اق اكادەميا دەلەگاتسياسى ۋنيۆەرسيتەتتىڭ عالىمدارىمەن دوڭگەلەك ۇستەل وتكىزدى. باسقوسۋ بارىسىندا ۋنيۆەرسيتەتتىڭ جەتەكشى جانە جاس عالىمدارىنىڭ قاتىسۋىمەن تۇركىستان وبلىسى بويىنشا وزەكتى ماسە­لە­لەردى تالقىلاۋ, ونىڭ شە­شۋ جولدارىن انىقتاۋ, عالىم­داردىڭ عىلىمي زەرتتەۋ جۇ­مىس­تارىنىڭ ناتيجەلەرىن كوممەرتسيالاندىرۋ, وندىرىسكە ەنگىزۋ ماسەلەلەرى قارالدى. جيىنعا قاتىسۋشىلار ماسەلە­لەردى جان-جاقتى سارالاپ, ءتيىم­­دى باعىتتار بويىنشا بىر­لە­سە جۇمىس ىستەۋگە كەلىستى.

جالپى وڭىردە جوعارى وقۋ ورىندارىندا عانا ەمەس, مەكتەپ, كوللەدجدەردە دە ءبىلىم ساپاسىن ارتتىرۋ وبلىس اكىمىنىڭ نازارىندا ەكەنىن ەسكەرگەن ءجون. بۇل ورايدا 2024-2029 جىلدارعا ارنالعان ءبىلىم بەرۋ جۇيەسىن دامىتۋدىڭ وڭىرلىك جول كارتاسى قابىلدانعان. مەكتەپتەر مەن كوللەدجدەردە مونيتورينگ جۇرگىزۋ قولعا الىنباق. ء«بى­لىم سالاسىنا بيزنەس رەتىن­دە قارايتىن باسشىلار, قىز­مەت­كەرلەر, ارىپتەستەر بولسا, قازىردەن جۇمىستان كەتە بەر­سىن. ءبىز قالاي بولعاندا دا ءبىلىم ساپاسىن جاقسارتۋىمىز كەرەك. وڭىرگە ارنايى ينديكاتورلار بەكىتىلگەن. سىزدەر ءبىلىم سالاسى بويىنشا 2024 جىلدىڭ سوڭىندا رەسپۋبليكادا وندىقتىڭ قاتارىنا ەنۋ مەجەسىن قويىپ, وسى باعىتتا ناقتى جوسپاردى ۇسىنىڭىزدار. ينديكاتور تولىق ورىندالۋعا ءتيىس», دەگەن بولاتىن ءبىلىم سالاسىنداعى وزەكتى ماسەلەلەر تالقىلانعان ماجىلىستە وبلىس اكىمى دارحان ساتىبالدى.

وبلىستىق ءبىلىم باسقارما­سىنىڭ مالىمەتىنشە, اۋىلدىق جەردەگى ءبىلىم ساپاسىن كوتەرۋ ماقساتىندا 2024-2025 جىلدارى 10 پەداگوگيكالىق شەبەر­لىكتى ارتتىرۋ ورتالىعى, 10 جەتەكشى مەكتەپ, تاعى 5 اۋداندا ء«مو­بيلدى مۇعالىم» جوباسى ىسكە قوسىلادى. سونىمەن قاتار جا­پونيا ەلىندە تاجى­ريبەدەن وتكەن ۇستازدار مەن ادىسكەرلەر ارقىلى Lesson study ءادىسىن ساتىلاپ ەنگىزۋ جانە «اۋىل مەكتەبىن ساپالى باسقارۋ» قاناتقاقتى جوباسى ىسكە اسىرىلىپ جاتىر. كوللەدجدەردە ءبىلىم ساپاسىن كوتەرۋ جۇمىستارى قارقىندى. گرانتتار تولىق يگەرىلگەن. «ماماندىعىم – بولاشاعىم» جوباسى اياسىندا 2024-2025 جىلدارى ەڭبەك نارىعىنىڭ سۇرانىسىنا سايكەس 10 جاڭا ماماندىق اشىلادى. ول ءۇشىن وڭىرگە قاجەتتى جاڭا كاسىپتەردىڭ اتلاسى قايتا جاساقتالادى.

تۇركىستان وبلىسى