بۇرىنعى وقۋ-اعارتۋ ءمينيسترى, قازىرگى ءماجىلىس دەپۋتاتى اسحات ايماعامبەتوۆ تۇركياداعى ترانسۆەستيتتەر كلۋبىنا بارعان مۇعالىمدەرگە قاتىستى پىكىر ءبىلدىردى, دەپ حابارلايدى Egemen.kz كتك ارناسىنا سىلتەمە جاساپ.
ەكى مۇعالىم اقىسىز دەمالىس الىپ, ترانسۆەستيتتەر كلۋبىندا كوڭىل كوتەرگەن ەدى. جەلىدە تاراعان ۆيدەونى كورگەن اتا-انالار قاۋىمى ۇستازداردىڭ مەكتەپتەن كەتۋىن تالاپ ەتكەن. قىزىلوردا وبلىسى قارماقشى اۋدانىنا قاراستى №250 مەكتەپتىڭ اعىلشىن ءتىلى ءپانى مۇعالىمدەرىنىڭ بۇل «دەمالىسى» مەكتەپ باسشىلىعىنا ۇناماي, جينالىس وتكىزگەن. وسىدان كەيىن ەكى پەداگوگ تا ءوز ەرىكتەرىمەن جۇمىستان كەتتى.
اسحات ايماعامبەتوۆ مۇعالىمدەر دە ءوز قۇقىعى بار قاراپايىم ازاماتتار ەكەنىن, سوندىقتان الدىمەن جاعدايدى تۇسىنگەن ءجون ەكەنىن العا تارتتى.
«مۇعالىمدەر دە – ءبارىمىز سياقتى ازامات. ولاردىڭ قۇقىعىن شەكتەۋگە بولمايدى. سوندىقتان بۇل جەردە ءبىز مۇعالىمدەرگە قويىلاتىن تالاپتاردى ناقتى اجىراتۋىمىز كەرەك ەكەنىن بىلەسىزدەر. ارينە, جوعارى تالاپتار ءوز الدىنا. بىراق ءبىز ولار قاراپايىم ازاماتتار ەكەنىن ءتۇسىنۋىمىز كەرەك», دەدى ايماعامبەتوۆ.
ونىڭ ايتۋىنشا, بۇل جاعدايدا ىستى ناقتى ءتۇسىنىپ, ولاردىڭ قانداي كىناسى بار ەكەنىن انىقتاپ الۋ كەرەك.