سەنات دەپۋتاتتارى بيبىگۇل جەكسەنباي مەن گەننادي شيپوۆسكيح ەلورداداعى جىلىجايعا بارىپ, جۇمىسىمەن تانىستى. وسىنداعى كەزدەسۋلەردە سالانىڭ وزەكتى ماسەلەلەرى تالقىعا سالىندى. سەناتورلارعا جىلىجايدىڭ جالپى اۋدانى 2,4 گەكتاردى قۇرايتىنى جانە قازىرگى زامانعى تەحنيكامەن جابدىقتالعانى تۋرالى ايتىلدى. كاسىپورىندا 40 تونناعا جۋىق قىزاناق جانە 50 توننادان استام قيار وندىرىلەدى.
سەناتورلار قالالىق ءماسليحات دەپۋتاتتارىمەن بىرگە استانا قالاسىنداعى 3-جىلۋ ەلەكتر ورتالىعىندا دا بولدى. سەناتورلار ەلوردانىڭ قارقىندى دامۋىنا بايلانىستى بۇگىنگى تاڭدا تۋىنداعان كوپتەگەن تالاپتار مەن ينفراقۇرىلىم سۇرانىسى سايكەس كەلمەيدى دەپ سانايدى.
«مەملەكەت باسشىسى ءبىر جىل بۇرىن ەلوردانىڭ ينجەنەرلىك ينفراقۇرىلىمىن كەشەندى دامىتۋ ءبىرىنشى كەزەكتەگى مىندەت ەكەنىن اتاپ وتكەن بولاتىن. وتكەن جىلداردا استانادا جىلۋ ەنەرگياسىنىڭ جەتىسپەۋشىلىگى انىق بايقالدى. بيىل جىلۋ جەتىسپەۋشىلىگى ماسەلەسى تولىعىمەن شەشىلدى. كەيبىر ايماقتاردا ءالى دە نازار اۋداراتىن بىرقاتار ماڭىزدى ماسەلە بار. ءبىز جىلۋ ەنەرگەتيكاسى ماسەلەلەرى ۇكىمەت پەن جەرگىلىكتى اتقارۋشى ورگانداردىڭ ەرەكشە باقىلاۋىندا قالا بەرۋگە ءتيىس دەپ سانايمىز. قاجەت بولعان جاعدايدا وسى ماسەلەلەردى شەشۋگە كومەك كورسەتۋگە دايىنبىز», دەدى دەپۋتات بيبىگۇل جەكسەنباي.
سەناتورلار استاناداعى ساعادات نۇرماعامبەتوۆ اتىنداعى اسكەري كوللەدجدە بولىپ, بولاشاق سەرجانتتاردىڭ وقۋ باعدارلاماسىمەن جانە جاتتىعۋ دايىندىعىمەن تانىستى. دەپۋتاتتار سەناتتىڭ قىزمەتى تۋرالى كۋرسانتتاردى حاباردار ەتىپ, مەملەكەت باسشىسىنىڭ جاقىندا «Egemen Qazaqstan» گازەتىندە جارىق كورگەن سۇحباتى تۋرالى ايتىپ بەردى.