وقۋ-اعارتۋ ءمينيسترىنىڭ بۇيرىعىمەن گۇلشات ونلانبەكقىزى وقۋ-اعارتۋ مينيسترلىگىنىڭ بالالاردى ەرتە دامىتۋ ينستيتۋتىنىڭ ديرەكتورى بولىپ تاعايىندالدى, دەپ حابارلايدى Egemen.kz ۆەدومستۆونىڭ ءباسپاسوز قىزمەتىنە سىلتەمە جاساپ.
گۇلشات ونلانبەكقىزى 1973 جىلى جامبىل وبلىسىندا دۇنيەگە كەلگەن. پەداگوگيكا عىلىمدارىنىڭ كانديداتى, دوتسەنت, قاۋىمداستىرىلعان پروفەسسور. 100-دەن استام عىلىمي جانە عىلىمي-ادىستەمەلىك ەڭبەگى بار.
1991 جىلى «مەكتەپكە دەيىنگى ءبىلىم بەرۋ» ماماندىعى بويىنشا اباي اتىنداعى پەداگوگيكالىق ۋچيليششەسىن ءبىتىرىپ, 1995 جىلى پەداگوگيكالىق ينستيتۋتتا «تاربيەشى. مەكتەپكە دەيىنگى پەداگوگيكا جانە پسيحولوگيا وقىتۋشىسى» ماماندىعىن تامامداعان.
2004 جىلى - «جالپى پەداگوگيكا, پەداگوگيكا جانە ءبىلىم بەرۋ تاريحى, ەتنوپەداگوگيكا» ماماندىعى بويىنشا اباي اتىنداعى قازاق ۇلتتىق پەداگوگيكالىق ۋنيۆەرسيتەتىندە اسپيرانتۋرا بىتىرگەن. 2007 جىلى م.ح.دۋلاتي اتىنداعى تاراز مەملەكەتتىك ۋنيۆەرسيتەتىندە «قۇقىقتانۋ» ماماندىعىن مەڭگەرگەن.
م.ح.دۋلاتي اتىنداعى تارمۋ, ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىندە وقىتۋشىلىق قىزمەت اتقاردى. 2022 جىلدان بۇگىنگە دەيىن ءبىلىم بەرۋدى دامىتۋدىڭ مەملەكەتتىك ەمەس عىلىمي-پراكتيكالىق ورتالىعىنىڭ ديرەكتورى قىزمەتىن اتقارىپ كەلدى.