جۇيەلى جۇمىس بيىل دا جالعاسادى

بۇدان بولەك 62 نىساننىڭ قۇرىلىسى اياقتالىپ, قوسىمشا 50 ەلدى مەكەن تابيعي گازعا قوسىلۋعا مۇمكىندىك الدى. ناتي­جەسىندە, جالپى گازبەن قامتىلعان ەلدى مەكەندەر سانى 515-گە جەتىپ, قامتۋ دەڭگەيى 62 پايىز بولدى. سارىاعاش قالا­سىندا 13 كوپقاباتتى تۇرعىن ءۇيدىڭ قۇ­رىلىسى 2018-2020 جىلدارى ارا­لىعىندا جۇرگىزىلىپ, اياقتالعان. بىراق كارىز جۇيەسىنىڭ بولماۋىنا بايلانىستى پايدالانباي بوس تۇرعان. مودۋلدىك كارىز جۇيەسىن سالۋ ەسەبىنەن بىلتىر 585 وتباسى باسپانالى بولدى. وب­لىستا قۇرىلىس جۇمىستارىنىڭ كولەمى 278 ملرد تەڭگەنى قۇرادى. جىل باسىنان 853 مىڭ شارشى مەتر تۇرعىن ءۇي پاي­دالانۋعا بەرىلىپ, ناتيجەسىندە, 3 مىڭعا جۋىق وتباسى جاڭا پاتەرگە يە بولدى. قو­سىمشا جىل سوڭىندا 199 مىڭ شارشى مەتر 59 تۇرعىن ءۇي تاپسىرىلدى. 2018 جىلى وبلىستىڭ وڭتۇستىك 5 اۋدانىنداعى 800 مىڭ تۇرعىندى ساپالى ەلەكتر قۋاتىمەن قامتيتىن «قىزىلاسكەر» قوسالقى ستانساسىنىڭ قۇرىلىسى باستالعان. ستراتەگيالىق ماڭىزدى نىساننىڭ قۇرىلىسى تولىق اياقتالىپ, جىل سوڭىندا پايدالانۋعا بەرىلدى. جالپى, وبلىستا ەلەكتر قۋاتىنا تاپشىلىق بار, ەنەرگيانىڭ 80 پايىزى سىرتقى كوزدەردەن تاسىمالدانا­دى. اتالعان ماسەلەنى شەشۋ ءۇشىن «سامۇرىق-قازىنا» قورىمەن بىرلەسىپ, سايرام اۋدانىندا زاماناۋي بۋ-گاز قوندىرعى ستانساسىنىڭ قۇرىلىسى باس­تالدى. بيىل قوسىمشا 19 ەلدى مەكەنگە جاڭادان اۋىز سۋ قۇبىرى سالىنادى. ون ەلدى مەكەننىڭ توزىعى جەتكەن سۋ جۇيەلەرى جاڭارتىلىپ جاتىر. ناتيجەسىندە, ەلدى مەكەندەردىڭ قامتۋ دەڭگەيى 88,7 پايىزعا جەتەدى. كەنتاۋ قالاسىنداعى №5 جىلۋ ورتالىعى 2012 جىلدان بەرى جوندەۋ كورمەي, 85 پايىزعا توزعان. وتكەن جىلى 4 قازاندىق اعىمداعى جوندەۋدەن ءوتىپ, 4,7 شاقىرىم ماگيسترالدى جىلۋ قۇبىرى قايتا جاڭارتىلدى. وبلىس ءۇشىن ستراتەگيالىق ماڭىزى بار «داربازا – ماقتاارال» تەمىرجولىنىڭ قۇرىلىسى باستالدى. ال جالپى وڭىرلىك ءونىم كولەمى 3 ترلن تەڭگەدەن استى. ونەركاسىپ ءونىم كولەمى 2,3 پايىزعا ارتىپ, 864 ملرد تەڭگەگە جەتتى. وڭدەۋ ونەركاسىبىندە 17 جوبا ىسكە قوسىلدى, 534 جۇمىس ورنى اشىل­دى. اۋىل شارۋاشىلىعى سالاسىندا 1 ترلن تەڭگەدەن استام قارجىنىڭ ءونىمى ءوندىرىلىپ, وبلىس رەسپۋبليكادا كوش باستادى. جىل باسىنان سالاعا 92 ملرد تەڭگە ينۆەستيتسيا تارتىلدى. ەگىستىكتى ءارتاراپتاندىرۋ ناتيجەسىندە كوكونىس, باقشا داقىلدارىنان رەكوردتىق 3,3 ملن توننا ءونىم جينالدى.

اۋىل شارۋاشىلىعى ونىمدەرىن ساقتاۋ قۋاتتىلىقتارىن ارتتىرۋ ماق­سا­تىندا ساۋران اۋدانىندا 1 گەكتار اۋماقتا كوكونىس ساقتاۋ قويماسىنىڭ قۇ­رىلىسى باستالدى. جىلىجايلاردىڭ جالپى كولەمى 1 640 گەكتارعا جەتىپ, 140 مىڭ توننا ءونىم جينالدى. جىلىجاي شارۋاشىلىقتارىن قولداۋ ماسەلەسى ۇكىمەت الدىندا كوتەرىلىپ, ناتيجەسىندە, جىلىتۋ شىعىندارىن سۋبسيديالاۋ ەرەجەسى بەكىتىلدى. وسى ماقساتقا 500 ملن تەڭگە ءبولىندى. سونداي-اق, جىلىجاي­لاردى ءبىر ورتالىقتان كومىرمەن قامتاماسىز ەتۋ ءۇشىن ارنايى كووپەراتيۆ قۇرىلىپ, كومىر وندىرۋشىلەردەن تىكەلەي تاسىمالداۋ كەلىسىلدى. مال باسى مەن ونىمدىلىگى ورتاشا ەسەپپەن 5 پايىزعا ءوستى. ەت ەكسپورتى بويىنشا وبلىس رەسپۋبليكادا الدىڭعى ورىندا. بىلتىر 335 مىڭ گەكتار جايىلىم جەر مەملەكەت مەنشىگىنە قايتارىلىپ, جوسپار تولىق ورىندالدى. پرەزيدەنت تاپسىرماسىنا سايكەس اۋىل حالقىنىڭ جاعدايىن جاقسارتۋ ماقساتىندا «اۋىل اماناتى» جوباسى 6 باعىتتا ىسكە اسىرىلىپ جاتىر. بۇل ماقساتقا 19,8 ملرد تەڭگە ءبولىنىپ, 3220 جوبا قار­جىلاندىرىلدى. قاناتقاقتى جوباعا 64 اۋىلدىق وكرۋگ بەلگىلەنىپ, 75 جاڭا كووپەراتيۆ ۇيىمداستىرىلدى. جوبانى ىسكە اسىرۋ ناتيجەسىندە 3517 جاڭا جۇمىس ورنى اشىلدى.

وبلىس ەكونوميكاسىنا 848 ملرد تەڭگە ينۆەستيتسيا تارتىلىپ, كولەمى 1,4 ەسەگە ارتتى. جەكە ينۆەستيتسيا 1,5 ەسە ار­تىپ, 588,4 ملرد تەڭگە بولدى. 2023 جىلى ىسكە اسىرۋ جوسپارلانعان 56 ينۆەستيتسيالىق جوبانىڭ 52-ءسى ىسكە قو­سىلىپ, 1785 جۇمىس ورنى اشىلدى. وتكەن جىلى 110 مىڭعا جۋىق ادامدى جۇ­مىسپەن قامتاماسىز ەتۋ جوسپارلانسا, جىل سوڭىندا 116 مىڭ جاڭا جۇمىس ورنى قالىپتاستى. ءوز ءىسىن اشۋعا نيەتتى 1 687 ادام قايتارىمسىز گرانت العان. سونىمەن قاتار 600-دەي جاس­تىڭ جوبالارىن قارجىلاندىرۋعا 2,5 پا­يىز­بەن 3 ملرد تەڭگەگە جۋىق نەسيە تا­رتىلدى. وبلىستا ءۇش اۋىسىمدى جانە اپاتتى مەكتەپتەردىڭ ماسەلەسى 4 باعىتتا شەشىلۋدە. بيۋدجەت جانە ء«بىلىم ينفراقۇرىلىمىن قولداۋ قو­رى» ارقىلى جالپى 35 مەكتەپتىڭ قۇرىلىسى جۇرگىزىلىپ جاتىر. «جايلى مەكتەپ» جوباسى شەڭبەرىندە 3 جىلدا بارلىعى 63 مەكتەپ سالىنادى. ونىڭ 29-ىنىڭ قۇرىلىسى بيىل اياقتالادى. قال­عان 34 مەكتەپ 2025 جىلى تاپسىرىلادى. جەكە ينۆەستيتسيا ەسەبىنەن 35 مەكتەپ سالىندى. شالعايداعى ەلدى مەكەندەردە تۇراتىن وقۋشىلاردى تاسىمالداۋ ءۇشىن ارنايى جابدىقتالعان 101 اۆتوبۋس ساتىپ الىندى. مەملەكەت باسشىسىنىڭ تاپسىرماسىنا سايكەس 1-4 سىنىپتاعى 200 مىڭ وقۋشىنى تەگىن ىستىق تاماقپەن جانە مەكتەپتەردىڭ قاۋىپ­سىزدىگىن قامتاماسىز ەتۋ ماسەلەسى تولىق شەشىلدى. وسى ماقساتتا 12 ملرد تەڭ­گەدەن استام قاراجات ءبولىنىپ وتىر. وبلىستا 2024 جىلى «اۋىلدا دەنساۋلىق ساقتاۋدى جاڭعىرتۋ» ۇلتتىق جوباسى اياسىندا اۋىلداردا 49 جاڭا مەديتسينالىق نىسان سالىنادى. سونداي-اق قۇرىلىس قارقىنىن باسەڭدەتپەي, كوپتەگەن الەۋ­مەتتىك نىساندار سالۋ كوزدەلىپ وتىر.

تۇركىستان وبلىسى