اقتوبە وبلىسىنا جۇمىس ساپارىمەن بارعان مەملەكەت باسشىسى قاسىم-جومارت توقاەۆ اقتوبەدەگى كەراموگرانيت جانە قىش پليتالار شىعاراتىن زاۋىتتى ارالادى, دەپ حابارلايدى Egemen.kz اقورداعا سىلتەمە جاساپ.
«پرەزيدەنت «زەردە-كەراميكا اقتوبە» جاۋاپكەرشىلىگى شەكتەۋلى سەرىكتەستىگىنىڭ جۇمىسىمەن تانىستى. يندۋستريالدى ايماقتا ورنالاسقان وندىرىستىك نىساننىڭ اۋماعى – 15 گەكتار. زاۋىت جىلىنا 5 ميلليون شارشى مەتر ءونىم وندىرەدى. زاۋىتتىڭ اتقارۋشى ديرەكتورى داۋرەن بيتەمىروۆتىڭ ايتۋىنشا, مۇندا شىعارىلاتىن كەراموگرانيت پەن قىش پليتالار قازاقستاننىڭ باتىس وڭىرلەرىنىڭ سۇرانىسىن تولىعىمەن وتەيدى. سونىمەن قاتار رەسەي, تاجىكستان, قىرعىزستان, وزبەكستان ەلدەرىنە دە ەكسپورتتالادى. ءوندىرىستىڭ بارلىق جۇمىسى تولىقتاي اۆتوماتتاندىرىلعان. بۇل زاۋىتتىڭ ەرەكشەلىگى سانالادى. جۇيە يتاليالىق SACMI فيرماسىنىڭ زاماناۋي قوندىرعىسى ارقىلى باسقارىلادى. نىسانعا 9,2 ميلليارد تەڭگە كولەمىندە ينۆەستيتسيا تارتىلدى», دەلىنگەن اقپاراتتا.
ء«وندىرىستى دامىتۋ قورى» اكتسيونەرلىك قوعامىنان زاۋىتقا قاجەتتى قوندىرعىلار ساتىپ الۋ ءۇشىن مەملەكەت 7,5 ميلليون ەۋرو كولەمىندە نەسيە الۋعا قولداۋ كورسەتكەن.