• RUB:
    6.68
  • USD:
    520.93
  • EUR:
    609.07
باستى سايتقا ءوتۋ
ايماقتار 30 قاراشا, 2023

باسەكەلەستىككە بەيىمدەلىپ كەلەدى

130 رەت
كورسەتىلدى

ءاربىر اۋىلدىڭ تۇرعىندارىنا حات-حابار, گازەت-جۋرنالداردى كەشىكتىرمەي جەتكىزىپ كەلگەن «قازپوشتا» جۇمىسىنا بۇگىندە ايتىلار سىن از ەمەس. سول سىن­نان قورىتىندى شىعارۋ ماق­سا­تىندا اتقارىلىپ جاتقان جۇ­مىستار دا بارشىلىق جانە كوپ­شىلىك پوشتاشىلاردىڭ با­سەكە­گە قابىلەتتى مەكەمە رەتىندە ساپالى قىزمەت كورسە­تۋىنەن ءۇمىتتى.

«قازپوشتا» اق تۇركىستان وب­لىس­تىق فيليال ديرەكتورى ازات ءيلياسوۆتىڭ ايتۋىنشا, گەوگرا­فيالىق ەنۋدىڭ ەڭ جوعارى دەڭگەيىنە يە مەكەمەدە 1 155-تەن اسا قىزمەتكەر جۇمىس ىستەيدى. وڭىردە 14 اۋداندىق پوشتا بايلانىس تورابى – 306, ونىڭ ىشىندە 237 اۋىلدىق, 59 قا­لالىق بولىمشە, 10 سەرىكتەستىك نۇك­تە بار. سونداي-اق بارلىق بولىم­شە­دە پوشتالىق, لوگيستيكالىق, قار­جى­لىق, اگەنتتىك, ەلەكتروندىق قىز­­مەتتەر ۇسىنىلادى. ءار اۋدان, اۋىل تۇرعىنى وزىنە قا­جەتتى تاۋاردى جاقىن «قازپوشتا» بولىمشەسىنەن, سالەمدەمەلەر سۋپەر­مار­كەتىنەن نەمەسە «ەسىكتەن ەسىككە» كۋرەر ارقىلى مەكەنجايىنا جەتكىزىپ بەرۋ قىزمەت ءتۇرىن پايدالانا الادى.

«بيىل 8 ايدىڭ قورى­تىندىسىندا «قازپوشتا» اق-تىڭ ەلەكتروندى كوممەرتسيانى جانە قار­جىلىق قىز­مەتتەردى دامى­تۋى ەسەبىنەن, سونى­مەن قاتار شى­عىن­داردى وڭتاي­لان­دىرۋدىڭ ناتي­جە­سىن­دە تابىستى مەكەمەگە اينالىپ, بىل­تىرعى مەن سا­لىستىرعاندا 44 پايىزعا نەمەسە 16,7 ملرد تەڭگەگە ارتتى. «قازپوشتا» ءوز فۋلفيلمەنت ورتالىقتارىن دامىتىپ, وتاندىق جانە شەتەلدىك تانىمال ماركەتپلەيستەر ءۇشىن تاپسىرىستار بەرۋ بەكەتتەرىن اشىپ, قويمالار مەن پوشتامات جەلىلەرىن كەڭەيتۋ جۇمىستارىن جۇرگىزىپ جاتىر. سول جوبالاردىڭ ءبىرى – شەتەلدىك تانىمال ماركەتپلەيستەردەن كليەنتتەرىمىزدىڭ تاپسىرىستارىن بەرۋگە قولايلى بولۋ ءۇشىن 2023 جىلدىڭ 1 قاراشاسىندا Qazpost Keruen جاڭا سەرۆيسىمىز ىسكە قوسىلدى. امەريكالىق جانە ەۋ­رو­پالىق تانىمال ونلاين دۇكەندەر ەلى­مىزگە ءوز تاۋارلارىن جەتكىزىپ بەرە المايدى, سول سەبەپتى بۇل قىز­مەتتى قوسۋ قولعا الىندى. سەبەبى حالىق­تىڭ باسىم بولىگى قىتاي, اقش, ەۋروپادان كەلەتىن تاۋارلارىنا كوپ سۇرانىس جاسايدى. سوندىقتان «قازپوشتا» وسى سۇرانىستاردى ەسكە­رە وتىرىپ, تاپسىرىستاردى رەسىمدەۋدىڭ ىڭ­عايلىلىعىمەن, قولجەتىمدى باعا­دا تاۋارلاردىڭ ەلىمىزدىڭ كەز كەلگەن نۇكتەسىنە تەز جەتكىزۋىن ءارى جونەل­تۋىن جۇزەگە اسىرادى. بيىل قىز­مەتكەرلەرىمىزگە 30 جىل­دىق مە­رەيتوي اياسىندا تۇڭعىش رەت پرە­زيدەنت قاسىم-جومارت توقاەۆ­تىڭ اتىنان مەملەكەتتىك ناگ­رادالار تابىس ەتىلدى. ونىڭ ىشىندە تولەبي اۋداندىق پوشتا بايلانىس تورابىندا 41 جىل بويى ادال ەڭبەك ەتىپ كەلە جاتقان زابايرا ۇلتانباەۆا «قۇرمەت» وردەنىمەن ماراپاتتالدى. سونىمەن قاتار شاردارا اۋدا­نى پوشتا بايلانىس تورابىندا 42 جىل قىزمەت اتقارىپ كەلگەن پوش­تا بايلانىس تورابى باستىعىنىڭ ورىنباسارى ايشا اكيمبەكوۆا تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى باعدات ءمۋسيننىڭ قولىنان «ەڭبەك ارداگەرى» مەدالىن الدى. بىرقاتار قىزمەتكەرىمىز پوشتا سالاسىنىڭ الەۋمەتتىك-ەكونو­ميكالىق دا­مۋى­نا قوسقان ەلەۋلى ۇلەسى ءۇشىن وبلىس اكىمىنىڭ العىسحاتى جانە گرا­مو­تا­سىمەن ماراپاتتالدى», دەيدى ا.يلياسوۆ.

«قازپوشتا» حالىققا ساپالى قىز­مەتتى كورسەتۋ ءۇشىن برون­دال­عان اۆتو­تەحنيكالارىن الىپ, ينفرا­قۇرى­لىمداردى قالپىنا كەلتىرگەن. مۋل­تيمودالدى قويمالارمەن لو­گيس­­تيكالىق جانە ساۋدا حابىن سالۋعا وڭىر­لەردە وبلىس اكىمدىگىنىڭ قول­داۋىمەن جەر ۋچاسكەسى ءبولىنىپ, مەمو­راندۋمعا قول قويىلعان. سونداي-اق «قازپوشتا» مەملەكەتتىك-الەۋ­مەت­تىك قىزمەتتەر كورسەتۋ ءۇشىن اۋىل­دىق پوشتا بولىمشەلەرىن كوپ­فۋن­ك­تسيونالدى قىزمەت كورسەتۋ ورتا­لىقتارىنا اينالدىرماق. ياعني ءتيىس­تى مينيسترلىكتىڭ قولداۋىمەن «ازا­ماتتارعا ارنالعان ۇكىمەت» مەم­­­لەكەتتىك كورپوراتسياسىنىڭ قىز­مەت ءتۇرىن اۋىل تۇرعىندارى پوش­تا بولىم­شەلەرىنەن الادى.

 

تۇركىستان وبلىسى 

سوڭعى جاڭالىقتار