تەگىنە تارتقان بالا باتىر

بۇل ناگرادانى «جاس سارباز» بالالار-جاسوسپىرىمدەر قوز­­عا­­ل­ى­­سىنىڭ تاربيەلەنۋشىسى اق­­جول گە­رويعا قورعانىس سالا­سى­نىڭ باسشىسى اتىنان دە­سانت­­تىق-شابۋىلداۋ اسكەر­لەرى­نىڭ قول­باسشىسى, گەنەرال-مايور الماز جۇماكەەۆ تابىس ەتتى. ءىس-شاراعا دەسانتتىق-شابۋىلداۋ اس­كەر­لەرىنىڭ قولباسشىلىعى مەن جەكە قۇرامى, اقجولدىڭ اتا-انا­سى جانە «جاس سارباز» قوز­عا­­لىسىنىڭ تار­بيەلەنۋشىلەرى قاتىستى.

مينيستر رۋسلان جاقسىلىقوۆ «جاس سارباز» اسكەري-پاتريوتتىق كلۋبىنىڭ تاربيەلەنۋشىسى اقجول­عا باتىل ءىس-ارەكەتىنىڭ ارقاسىندا جول-كولىك وقيعاسىنىڭ الدىن العانى ءۇشىن العىسىن ايتىپ, ىزگى تىلەكتەرىن جەتكىزگەن. «سىزدەردىڭ ۇلدارىڭىز سىندارلى ساتتە اتىنا زاتى ساي ناعىز باتىر ەكەنىن دا­لەلدەدى» دەلىنگەن اقجولدىڭ اتا-انا­سىنا جازىلعان العىس حاتتا.

ايتا كەتسەك, 22 قاراشادا ال­ماتى وبلىسىنىڭ ىلە اۋدانىنا قاراستى وتەگەن باتىر كەنتىندەگى №24 ليتسەيدىڭ 8-سىنىپ وقۋشىسى اقجول گەروي №219 باعدارلى اۆتوبۋسقا وتىرعان. جولاي جۇرگى­زۋشىنىڭ جۇرەك تالماسى ۇستاپ قالادى. مۇنى بايقاعان اقجول جۇرگىزۋشى كابيناسىنا جۇگىرىپ جەتىپ, تەجەگىشتى باسىپ ۇلگەرەدى. سونىڭ ارقاسىندا اۆتوبۋس تۇرعىن ءۇي قورشاۋىنا جارتى مەتر عانا جەتپەي توقتايدى.

8-سىنىپ وقۋشىسىنىڭ جەدەل قيمىلى زاردابى اۋىر اپاتتان ساقتاپ قالدى. وقۋشىنىڭ بۇل باتىل ارەكەتى تۋرالى تەلەارنالار مەن الەۋمەتتىك جەلىلەردە جارىسا ايتىپ جاتىر. «ەل قورعانى» مەدالىنەن بولەك, جاس باتىرعا ءوز مەكتەبىنىڭ اكىمشىلىگى نوۋتبۋك سىيلاسا, الماتى وبلىسىنىڭ اكىمى مارات سۇلتانعازيەۆ العىس حات پەن سوڭعى ۇلگىدەگى «iPhone 15» ۇيالى تەلەفونىن تابىس ەتتى.