«كەلىنىڭىز كولىك اپاتىنا ۇشىرادى». زەينەتكەردىڭ قوماقتى قارجىسىن الىپ كەتكەن الاياق ۇستالدى

88 جاستاعى كوكشەتاۋ قالاسىنىڭ تۇرعىنىنا قوڭىراۋ شالعان ادام ءوزىن پوليتسيا قىزمەتكەرى رەتىندە تانىستىرىپ,  نەمەرە كەلىنى شوبەرەسىمەن بىرگە كولىك اپاتىنا تۇسكەنىن,  مەديتسينالىق كومەك كورسەتۋ ءۇشىن 5 ميلليون تەڭگە قاجەت ەكەنىن ايتادى. زەينەتكەر مۇنداي قاراجاتى بولماي تۇرعانىن جەتكىزگەندە, تۋىستارىنان قارىز سۇراۋعا ۇگىتتەيدى. كۇدىكتىنىڭ سىبايلاسى قوسا حابارلاسىپ, كەلىنى مەن شوبەرەسىنىڭ جاعدايى تىم اۋىر ەكەنىن ايتىپ, زەينەتكەردىڭ ۇرەيىن ودان بەتەر ۇشىرا تۇسەدى. زەينەتكەر وزىندە بار 2 ميلليون تەڭگەسىن ۇسىنادى. دروپپەر كەلىپ اقشانى العان سوڭ  كۇدىكتى كورسەتكەن ەسەپشوتقا 1 ميلليون 800 مىڭ  تەڭگەنى اۋدارىپ, ءوزىنىڭ «ەڭبەكاقىسى» ءۇشىن 200 مىڭ تەڭگەنى الىپ قالعان.

«پوليتسەيلەر قر قك-ءنىڭ 190-بابى 2-بولىگى (الاياقتىق) بويىنشا سوتقا دەيىنگى تەرگەپ-تەكسەرۋلەردىڭ بىرىڭعاي تىزىلىمىنە تىركەدى. كۇدىكتىلەردى ۇستاۋ ماقساتىندا كوكشەتاۋ قالاسىنىڭ كريمينالدىق پوليتسيا قىزمەتكەرلەرى بىرقاتار جەدەل-ىزدەستىرۋ ءىس-شارالارىن وتكىزدى, زەينەتكەردىڭ تۇرعىلىقتى جەرىندە ورناتىلعان جەدەل باسقارۋ ورتالىعىنىڭ بەينەكامەرالارىنىڭ جازبالارىن قارادى, تاكسي فيرمالارىنىڭ جۇرگىزۋشىلەرى مەن ءۇي تۇرعىندارىنان جاۋاپ الدى. 26 قاراشادا قابىلدانعان شارالاردىڭ ناتيجەسىندە دروپپەردىڭ جەكە باسى انىقتالدى, ول وسكەمەن قالاسىنىڭ 27 جاستاعى تۇرعىنى بولىپ شىقتى. اڭگىمە بارىسىندا ەر ادام جەتكىزۋشى جۇمىسىن ءموبيلدى قوسىمشادان تاپقانىن ايتتى, ال شارتتار وعان وتە قاراپايىم بولىپ كورىندى: ءبىر مەكەنجايدان اقشا الىپ, سودان كەيىن جاقىن جەردەگى بانكومات ارقىلى كورسەتىلگەن شوتقا اۋدارۋ», دەلىنگەن اقپاراتتا. 

ۇستالعان جەتكىزۋشى-دروپپەر بۇل ارەكەتىنىڭ زاڭدى-زاڭسىز ەكەنىن سۇراعانىن, كۇدىكتى  شارۋانىڭ ءبارى قۇقىق قورعاۋ ورگاندارىمەن بىرلەسىپ جۇرگىزىلىپ جاتقانىن ايتقاندىقتان كەلىسكەنىن جەتكىزدى. ءتىپتى كۇدىكتى دروپپەرگە «قارت كىسىگە ۆيرۋس جۇعىپ كەتپەۋى ءۇشىن» مەديتسينالىق ماسكا كيىپ بارۋدى مىندەتتەگەن ەكەن. وسى فاكت بويىنشا قاجەتتى تەرگەۋ ارەكەتتەرى جۇرگىزىلىپ جاتىر.