بۇۇ-نىڭ ايەلدەرگە قاتىستى كەمسىتۋشىلىكتىڭ بارلىق ءتۇرىن جويۋ كونۆەنتسياسىنا سايكەس 25 قاراشادان 10 جەلتوقسانعا دەيىن ەلىمىز بويىنشا «زورلىق-زومبىلىققا قارسى بەلسەندىلىكتىڭ 16 كۇنى» اتتى رەسپۋبليكالىق اكتسيا ءجۇرىپ جاتىر. اكتسيانىڭ باستى ماقساتى – ايەلدەرگە قاتىستى زورلىق-زومبىلىقتىڭ الدىن الۋ, بولدىرماۋ جانە جولىن كەسۋ, انا مەن بالانى, ولاردىڭ ءومىرىن قورعاۋ, سونداي-اق وتباسىلىق قۇندىلىقتاردى ناسيحاتتاۋعا باعىتتالعان.
ءىس-شارا اياسىندا ىشكى ىستەر مينيسترلىگى مۇددەلى مەملەكەتتىك ورگانداردىڭ, ۇكىمەتتىك ەمەس جانە حالىقارالىق ۇيىمداردىڭ وكىلدەرىن, بارشا حالىقتى اكتسياعا بەلسەندى قاتىسۋعا شاقىرادى. اكىمشىلىك پوليتسيا كوميتەتىنىڭ ەرەكشە تاپسىرمالار جونىندەگى اعا ينسپەكتورى, پوليتسيا پودپولكوۆنيگى اقمارال سەرىكباەۆانىڭ ايتۋىنشا, اكتسيا بارىسىندا ىشكى ىستەر ورگاندارىنىڭ قىزمەتكەرلەرى مۇددەلى مەملەكەتتىك ورگاندار مەن ۇكىمەتتىك ەمەس ۇيىمدارمەن بىرلەسىپ, حالىق اراسىندا اقپاراتتىق ءتۇسىندىرۋ جۇمىستارىن جۇرگىزىپ جاتىر. اكتسيا باستالعان كۇننەن باستاپ بارلىق وڭىردە 50-دەن استام ءباسپاسوز ءماسليحاتى وتكىزىلدى.
«اقپاراتتىق ءتۇسىندىرۋ جۇمىستارى اياسىندا ايەلدەرگە قاتىستى بارلىق زورلىق-زومبىلىقتىڭ الدىن الۋ جانە بولدىرماۋ, حالىققا وسى سالادا ىستەلىپ جاتقان شارالار مەن زاڭنامالارداعى وزگەرىستەردى تانىستىرۋدى ماقسات ەتىپ وتىرمىز. سوندىقتان ءىس-شارالار اۋقىمى حالىق كوپ جينالاتىن جەرلەردە ءوتىپ جاتىر. قازىر ەلىمىز بويىنشا حالىق كوپ جينالاتىن قوعامدىق جەرلەردە 3 كۇننىڭ وزىندە عانا 70-تەن اسا ءىس-شارا ۇيىمداستىرىلدى. سونداي-اق وقۋ ورىندارىندا, ەڭبەك ۇجىمدارىندا ءتۇرلى ءدارىس ۇيىمداستىرىلىپ, زاڭداعى سوڭعى وزگەرىستەر مەن تولىقتىرۋلار, رەسپۋبليكا كولەمىندە جۇمىس ىستەپ تۇرعان سەنىم تەلەفوندارى تۋرالى اقپاراتتاندىرۋ جۇمىستارى ءجۇرىپ جاتىر», دەيدى اقمارال ابزالقىزى.
بۇگىندە ەلدەگى تۇرمىستىق زورلىق-زومبىلىق بويىنشا سوعىلعان قوڭىراۋ مەن قوزعالعان ىستەردىڭ ستاتيستيكاسى جاعا ۇستاتادى. ماسەلەن, ون ايدىڭ قورىتىندىسى بويىنشا تۇرمىستىق زورلىق-زومبىلىققا قاتىستى 82 مىڭعا جۋىق اكىمشىلىك شاعىم مەن حابارلاما تۇسكەن. ونىڭ ىشىندە 60 مىڭنان استامىنا اكىمشىلىك ءىس قوزعالدى. بىلتىرمەن سالىستىرعاندا اكىمشىلىك ءىس قوزعاۋ 20 پايىزعا وسكەن. ونىڭ سەبەبى 1 شىلدەدەن باستاپ اكىمشىلىك ءىس قوزعاۋ ارىزدانۋدان انىقتاۋ سيپاتىنا كوشتى. زاڭناماداعى جاڭا وزگەرىستەر ون ايداعى وتباسىلىق زورلىق-زومبىلىق قىلمىستارىنىڭ تورتتەن ەكى پايىزعا تومەندەۋىنە دە سەپتىگىن تيگىزگەن.
سونداي-اق ا.سەرىكباەۆانىڭ سوزىنشە, زاڭ شىعارۋشى ورگان ۇكىمەتتىك ەمەس ۇيىمداردىڭ پەتيتسياسىن نەگىزگە الىپ, زاڭدارعا وزگەرتۋ ەنگىزسە, ءتيىستى تاپسىرمانى ورىنداۋ زاڭعا سايكەس قۇقىق قورعاۋ ورگاندارىنا جۇكتەلەدى.
«بۇرىن قۇقىق قورعاۋ قىزمەتكەرى جابىرلەنۋشىنىڭ ارىزىنسىز اكىمشىلىك ءىس قوزعاي المايتىن. مىسالى, بىلتىر 115 مىڭنان استام ارىز-شاعىم كەلىپ ءتۇستى. ونىڭ 75 مىڭنان استامى جابىرلەنۋشىنىڭ ارىزدى كەرى قايتارىپ الۋى سەبەبىنەن جابۋلى كۇيىندە قالدى. ول ۋاقىتتا ارىز بويىنشا ءىستى قاراماۋ سەكىلدى ءبىردى-ەكىلى فاكتى بولدى. قازىر بىزگە ەشكىمنىڭ ارىزى كەرەك ەمەس. قۇقىق بۇزۋشىلىق فاكتىسى بولسا, بىردەن اكىمشىلىك ءىس قوزعالادى. زاڭداعى بۇل وزگەرىسكە ساي ارەكەت ەتپەگەن قۇقىق قورعاۋ قىزمەتكەرى قىلمىستىق جاۋاپكەرشىلىككە تارتىلادى. ال قوعامدىق رەزونانس تۋدىرعان قىزىلوردا قالاسىنداعى قىلمىستىق وقيعا بويىنشا ىشكى ىستەر ورگاندارىنىڭ قىزمەتكەرلەرىنىڭ سوتى اياقتالىپ, قىلمىستىق جاۋاپكەرشىلىككە تارتىلدى», دەيدى ول.
قوعامداعى قۇقىق بۇزۋشىلىققا نولدىك توزىمدىلىكتى ارتتىرىپ, حالىقتىڭ وتباسىلىق زورلىق-زومبىلىق تۋرالى اقپاراتتانۋى ماڭىزدى. سوندىقتان قۇزىرلى ورگان يميدجدىك ءىس-شارالاردان بولەك وتباسىندا قۇقىق بۇزۋشىلىق جاساۋعا بەيىم ادامداردى, سونداي-اق جايسىز وتباسىلاردى تۇرعىلىقتى جەرى بويىنشا تەكسەرۋدى دە جوسپارلاپ وتىر.