شەتەلدىك ينۆەستورلار كەڭەسىنىڭ ارالىق وتىرىسى اياسىندا پرەمەر-مينيستر ءاليحان سمايىلوۆ شەتەلدىك ينۆەستورلار كەڭەسىن جانە جالپى رەسپۋبليكانىڭ ينۆەستيتسيالىق احۋالىن دامىتۋعا قوسقان ۇلەسى ءۇشىن كومپانيالارعا العىس حاتتار تابىس ەتتى, دەپ حابارلايدى Egemen.kz ۇكىمەتتىڭ ءباسپاسوز قىزمەتىنە سىلتەمە جاساپ.
ناقتى اتاعاندا, Coca Cola Içecek Kazakhstan, Microsoft, Baker & McKenzie, Cameco Kazakhstan, Chevron Corporation, Deloitte, Exxon Mobil, Glencore, Marubeni كومپانيالارىنا جانە ت. ب. بەرىلدى.
«وسى جىلدارى بىرلەسكەن كۇش-جىگەردىڭ ارقاسىندا جاڭا ءوندىرىس ورىندارى ىسكە قوسىلدى, ءىرى جوبالار جۇزەگە اسىرىلدى, ەڭ باستىسى, مىڭداعان جۇمىس ورىندارى اشىلدى. ىنتىماقتاستىعىمىز ءوزارا ءتيىمدى بولىپ, ۇلكەن پەرسپەكتيۆالارعا جول اشىپ, تۇراقتى تۇردە دامي بەرەتىنىنە سەنىمدىمىن. قازاقستان ۇكىمەتى ينۆەستيتسيالىق بايلانىستاردى تەرەڭدەتىپ, جاڭا بىرلەسكەن جوبالاردى جۇزەگە اسىرۋعا دايىن», دەدى پرەمەر-مينيستر.
انىقتاما رەتىندە ايتا كەتسەك, شەتەلدىك ينۆەستورلار كەڭەسى پرەزيدەنت جانىنداعى كونسۋلتاتيۆتىك-كەڭەسشى ورگان بولىپ تابىلادى. كەڭەستىڭ نەگىزگى مىندەتى – قازاقستاننىڭ ينۆەستيتسيالىق ساياساتىنىڭ نەگىزگى باعىتتارىن ايقىنداۋ, ينۆەستيتسيالىق احۋالدى جاقسارتۋ جانە قر ينۆەستيتسيالار تۋرالى نورماتيۆتىك قۇقىقتىق بازاسىن جەتىلدىرۋ بويىنشا ۇسىنىمدار مەن ۇسىنىستار ازىرلەۋ. قازىرگى ۋاقىتتا كەڭەس قۇرامىنا 33 ءىرى ترانسۇلتتىق شەتەلدىك كومپانيا مەن حالىقارالىق ۇيىمدار باسشىلارى, سونداي-اق شەتەلدىك تاراپتان 9 باقىلاۋشى كىرەدى.