ەلىمىزدە 550 مىڭنان استام ازامات تۇرعىن ءۇي الۋ كەزەگىندە تۇر. ءماجىلىستىڭ جالپى وتىرىسىندا دەپۋتات رۋسلان بەردەنوۆ ونەركاسىپ جانە قۇرىلىس ءمينيسترى قانات شارلاپاەۆقا ساۋال جولداپ, تىزىمدە تۇرعان تۇرعىن ۇيگە مۇقتاج ازاماتتاردىڭ ماسەلەسى قالاي شەشىلەتىنىن سۇرادى, دەپ حابارلايدى Egemen.kz.
ء«ۇي الۋ كەزەگىندە بۇگىندە 557 مىڭ ادام تۇر. جىل سايىن بۇل سان 50 مىڭعا ارتادى. زاڭ جوباسىندا تابىسى تومەن وتباسىلاردى جالدامالى تۇرعىن ۇيمەن قامتاماسىز ەتۋ ون ەسەگە ارتاتىنى كورسەتىلگەن. الايدا اتالعان ماسەلەنىڭ ناقتى قانداي مەرزىمدە شەشىلەتىنى ايقىندالماعان. كەزەكتە تۇرعان ازاماتتاردىڭ تۇرعىن ءۇي ماسەلەسى قانشا ۋاقىتتا شەشىمىن تابادى؟ ۇكىمەتتىڭ بۇل تۋرالى ناقتى جوسپارى بار ما؟ بۇۇ-نىڭ حالىقتى تۇرعىن ۇيمەن قامتاماسىز ەتۋ نورمالارىنا سايكەس ءبىر ادامعا 30 شارشى مەتر ءبولىنۋى قاجەت. قازاقستانداعى كورسەتكىش قالالىقتار ءۇشىن 23,4 شارشى مەتر, ال اۋىل حالقى ءۇشىن 19,8 شارشى مەتر. ءبىز وسى ايىرماشىلىقتى قالاي ءارى قاشان جويا الامىز؟ ۇكىمەت وسىنى شەشۋ ءۇشىن قانداي ينستيتۋتسيونالدىق, زاڭنامالىق وزگەرىس ەنگىزەدى؟» دەگەن دەپۋتات رۋسلان بەردەنوۆتىڭ ساۋالىنا جاۋاپ بەرگەن مينيستر ق.شارلاپاەۆ ءۇي كەزەگىندە تۇرعانداردىڭ سانى ارتۋىنا دەموگرافيالىق احۋالدىڭ تيگىزەر اسەرى زور ەكەنىن ايتتى. سالا باسشىسى ۇكىمەتتە بۇل ماسەلەنى شەشۋگە قاتىستى تالقىلاۋ بولاتىنىن جەتكىزدى.