ۇلتتىق ۇلاننىڭ «شىعىس» وڭىرلىك قولباسشىلىعىندا بوس ورىندار جارمەڭكەسى ۇيىمداستىرىلدى. 5518 اسكەري بولىمىندە وتكەن شاراعا ەلۋدەن استام جۇمىس ىزدەۋشى قاتىستى. ولارعا وڭىرلىك قولباسشىلىقتىڭ باسقارما ماماندارى اسكەري قىزمەتكە تۇرۋ بارىسىنان باستاپ, مەملەكەت تاراپىنان كورسەتىلەتىن جەڭىلدىكتەر جايىنان حاباردار ەتتى.
- شارا ماقساتى - اسكەري قىزمەتكە لايىقتى تۇلعالاردى تارتۋ. جاۋىنگەرلىك تارتىپكە نيەتتىلەرمەن كەڭىرەك ديالوگ قۇرىپ, جۇمىسقا قابىلدانۋشىعا قويىلاتىن تالاپتارعا قانشالىقتى ساي ەكەندىكتەرىن انىقتاۋ, - دەيدى 5518 اسكەري ءبولىمى شتاب باستىعىنىڭ اعا كومەكشىسى اعا سەرجانت سەرىكبولات دالەلحانوۆ.
الەكسەي دەگتياروۆ اباي وبلىسى ءۇرجار اۋدانىنىڭ تۋماسى. بولاشاعىن وسكەمەن قالاسىمەن ساباقتاستىرعىسى كەلگەن ازامات العاشىندا جيھاز تسەحىندا جۇمىس ىستەپتى. الايدا, جالاقىسى ماڭدىماي, امبە تۇراقسىز بولعاندىقتان شىعىپ كەتكەن. الداعى ۋاقىتتا ءوزىن ۇلتتىق ۇلان قاتارىنان كورگىسى كەلەدى.
– مۇندا ەڭ باستىسى تۇراقتى جالاقى, سونداي-اق ءتۇرلى سىياقىلار قاراستىرىلعان. اسكەري قىزمەتشىلەردى تۇرعىن ءۇي تولەمدەرىمەن قامتاماسىز ەتەدى. ال تۇرعىن ۇيگە مۇقتاج جاندار ءۇشىن ءارتۇرلى اسكەري باعدارلامالاردا جىل سايىن جۇزەگە اسىپ كەلەدى, – دەيدى قالا تۇرعىنى الەكسەي دەگتياروۆ.
الەكسەي الداعى ۋاقىتتا 3477 اسكەري بولىمىندە قىزمەت اتقارامىن دەپ جوسپارلاپ وتىر. ول وزىنە قاجەتتى اسكەري ءبولىمدى جەكەلەي پىكىر الماسۋ بارىسىندا ايقىندادى. جيىندا اسكەري قىزمەتكە قىزىعۋشىلىق تانىتقاندار ءۇشىن ارنايى ساۋالانامالار جۇرگىزىلدى. اسكەري قىزمەتتىڭ قىر-سىرىنا قانىق بولعاندار جۇمىسقا قابىلدانۋ ءۇشىن قانداي قۇجاتتىڭ قاجەتتىگىن ءبىلىپ تارقاستى. ەسكە سالايىق, بوس ورىندار جارمەڭكەسى جەلتوقسان ايىندا جالعاسىن تاپپاق.