جەڭىلدىگى مول جوبا

ەڭبەك جانە حالىقتى الەۋمەتتىك قور­عاۋ مينيسترلىگى ءباسپاسوز قىزمەتىنىڭ مالى­مە­تىنشە, بيىل جالپى 5 796 ميكروكرەديت بەرۋ جوسپارلانعان. بۇگىننىڭ وزىندە «اگ­رارلىق نەسيە كورپوراتسياسى» اق-عا كا­سىپ­كەرلىك باستامالاردى ىسكە اسىرۋ ءۇشىن جاستارعا بەرىلەتىن جىلدىق مولشەرلەمەسى 2,5 پايىزدىق جەڭىلدەتىلگەن ميكروكرەديتتەر الۋعا 7,3 مىڭ ءوتىنىم تۇسسە, 5 205 جوبا ماقۇلدانىپتى.

نەسيەنىڭ مولشەرى 5 ملن تەڭگەگە دەيىن, ال قاتىسۋدىڭ ەڭ ۇزاق مەرزىمى – 5 جىلعا (كەز كەلگەن ماقساتقا) نەمەسە 7 جىلعا دەيىن (مال شارۋاشىلىعى سالاسىنداعى جوبالار ءۇشىن). نومينالدى سىياقى مولشەرلەمەسى جىلدىق 2,5 پايىزدان اسپايدى. ميكروكرەديت الۋعا وتىنىمدەردىڭ ەڭ كوبى تۇركىستان – 970, جامبىل – 786, 642-ءسى قىزىلوردا وبلىستارىنا تيەسىلى. سونداي-اق شىمكەنتتەن – 466 جانە استانا قالاسىنان 456 ءوتىنىم ءتۇستى.

كونكۋرستىق كوميسسيالاردىڭ شەشىمىمەن 5 205 جوبا ماقۇلدانسا, ونىڭ ىشىندە 4 554 جوبانى ىسكە اسىرۋعا كرەديت بەرىلدى. كرە­ديت الۋشىلاردىڭ باسىم كوپشىلىگى مال شا­رۋاشىلىعى, قىزمەت كورسەتۋ, ساۋدا, وسىمدىك شارۋاشىلىعى جانە جەڭىل ونەركاسىپ سالاسىن قامتىپ وتىر. سونىمەن قاتار ميكروكرەديت 21 جاستان 35 جاسقا دەيىنگى جاستارعا ءوز كاسىبىن اشۋعا نەمەسە ونى كەڭەيتۋگە, 5 جىل­دان اسپايتىن مەرزىممەن جەكە كاسىپكەر رەتىندە تىركەلگەن جاعدايدا بەرىلەدى. بۇل جەردە ايتا كەتەتىنى, قاتىسۋشىلاردىڭ «اگ­رار­لىق نەسيە كورپوراتسياسى» اق-عا وتىنىممەن جۇگىنگەن ۋاقىتتاعى جاسى ەسكە­رىلۋگە ءتيىس. ال ميكروكرەديت الۋشىلار ءۇشىن نەگىزگى بورىش پەن سىياقىنى وتەۋ بويىنشا جەڭىلدىكتى كەزەڭ بەرىلەدى. بۇل ميكروكرەديت مەرزىمى ۇزاقتىعىنىڭ ۇشتەن بىرىنەن اسپايدى.

كەپىلمەن قامتاماسىز ەتۋدىڭ بولۋى دا مىندەتتى شارت رەتىندە قاراستىرىلادى. سەبەبى بيىل 4 قىركۇيەكتەن باستاپ جاستارعا جىلدىق 2,5 پايىز جەڭىلدىكپەن ميكروكرەديت بەرۋ ءۇشىن قابىلداناتىن كەپىلدى م ۇلىك تۇرلەرىنىڭ تىزبەسى كەڭەيتىلگەن. سونى­مەن كەپىلمەن قامتاماسىز ەتۋ رەتىندە قوسىم­شا ەكىنشى دەڭگەيدەگى بانكتەردەگى شوتتاردا ورنالاستىرىلعان اقشا قاراجاتى, رەس­پۋبليكالىق ماڭىزى بار جانە وبلىس­تىق ماڭىزى بار قالالاردا, اۋدان ورتالىق­تارىن­دا, وبلىستىق جانە اۋداندىق باعىنىستاعى قالالاردا, اۋىلدار مەن اۋىلدىق ەلدى مەكەندەردە جىلجىمايتىن م ۇلىك قابىلدانادى. سونداي-اق ولاردىڭ قاتارىندا جەكەمەن­شىك قۇقىعىنداعى جەر ۋچاسكەلەرى مەن مامان­داندىرىلعان تەحنيكا دا بار. تاعى ءبىر جاقسى جاڭالىعى سول, كەپىلمەن قامتاماسىز ەتۋ بولماعان جاعدايدا كەپىل بەرۋشىنى تارتۋعا بولادى. مۇنداي مۇمكىندىكتى پايدالانۋ ءۇشىن ءوتىنىمدى «اگرارلىق نەسيە كورپوراتسياسى» اق فيليالىنا تاپسىرۋ قاجەت.

ايتا كەتۋ كەرەك, ميكروكرەديتتەر ارنايى كوميسسيانىڭ شەشىمى نەگىزىندە بەرى­لە­دى. ونىڭ وتىرىستارىندا ۇمىتكەرلەر وز­­دە­­رىنىڭ بيزنەس-جوبالارىن تانىستىرادى. وسىلايشا, ميكروكرەديت بەرۋ تۋرالى شە­شىم كوميسسيالىق جانە ناقتى ءىس-قيمىل جوس­پارىمەن وزەكتى, دالەلدى, ەكونوميكالىق نەگىز­دەلگەن, قوعامدىق ماڭىزى بار, ومىرشەڭ بولۋعا ءتيىس جوبانىڭ پىسىقتالۋىن باعالاۋدىڭ ناقتى كريتەريلەرى نەگىزىندە قابىلدانباق. قازىر ميكروكرەديتتەر الۋعا وتىنىمدەردى قا­بىلداۋ بارلىق وبلىستاردا, استانا, الماتى جانە شىمكەنت قالالارىندا دا باستالىپ كەتتى.