الداعى كەزەڭدە استانا قالاسىندا 60 مەملەكەتتىك بالاقشا اشىلىپ پايدالانۋعا بەرىلەدى, دەپ حابارلايدى Egemen.kz استانا قالاسى اكىمىنىڭ ءباسپاسوز قىزمەتىنە سىلتەمە جاساپ.
شاھار باسشىسى جەڭىس قاسىمبەك Jibek joly تەلەارناسىنداعى سۇحباتىندا ەلوردادا بالاباقشا مەن مەكتەپ تاپشىلىعى ماسەلەسىن قالاي شەشىپ جاتقانىن ايتتى.
«بۇگىنگى كۇندە قالامىزدا 50 مىڭ بالا بالاباقشا كەزەگىندە تۇر. ءبىز بۇل ماسەلەنى شەشۋدى قولعا الىپ جاتىرمىز. قازىرگى ۋاقىتتا سول مەملەكەتتىك بالاباقشالاردىڭ قۇرىلىسىن قايتا باستاۋ تۋرالى شەشىم قابىلدادىق. الداعى ۋاقىتتا كەزەڭ-كەزەڭىمەن 60 مەملەكەتتىك بالاباقشا سالىنىپ, پايدالانۋعا بەرىلەدى», دەدى ج.قاسىمبەك.
استانا قالاسىنىڭ اكىمى ەلورداداعى مەكتەپ تاپشىلىعىن ازايتۋ ماقساتىندا قولعا الىنعان «جايلى مەكتەپ» جوباسى ارقىلى 24 نىساننىڭ قۇرىلىسى ءجۇرىپ جاتقانىن دا ايتتى.