تۋريستىك استانا ابىرويى

وڭىردە اتقارىلىپ جاتقان اۋقىمدى جۇمىستارعا توقتالعان وبلىس اكىمى دارحان ساتىبالدى بۇل ءىس-شارا تۇركىتىلدەس ەلدەر ارا­سىنداعى تۋريزم باعىتىندا قارىم-قاتىناستاردى دامىتۋعا ماڭىزدى ۇلەس قوساتىنىن اتاپ ءوتتى. تۋريستەردى تارتۋ ءۇشىن جاڭا ۇشاق جانە اۆتوبۋس باعىتتارىنىڭ قۇرىلعانىن ايتتى.

«2021 جىلى 31 ناۋرىزدا تۇر­­كىتىلدەس مەملەكەتتەر ىنتى­ماق­تاستىق كەڭەسىنىڭ VIII بەيرەسمي سامميتىندە تاراپتار تۇركىستاندى تۇركى الەمىنىڭ رۋحاني استاناسى دەپ اتاۋ تۋرالى دەكلاراتسياعا قول قويدى. بۇل قۇجات – تۇركىستان­نىڭ رۋحاني-مادەني باعىتتا دامۋىنا وڭ سەرپىن بەرىپ كەلەدى. جاڭا تۇركىستان تۇركى الەمىنىڭ مادەني-رۋحاني ورتالىعىنا اينالادى دەپ سەنەمىن», دەدى وبلىس اكىمى.

ال تمۇ جوبا ديرەكتورى ەرسين ايدوعان تۇركىستاننىڭ تۇر­كى الەمىنىڭ تۋريستىك استاناسى بولىپ تاڭدالۋىن كەيىنگى ۋاقىتتا سالىنعان ينۆەستيتسيا مەن دامۋدىڭ ءبىر كورىنىسى رەتىندە قاراستىرۋعا بولاتىنىن اتاپ ءوتتى.

سونداي-اق فورۋمدا تۋريزم جانە سپورت ۆيتسە-ءمينيسترى ەرجان ەركىنباەۆ 6 باعىت قاراس­تى­رىل­عان باستامالار مەن كەشەن­دى ءىس-شارالاردى ۇسىندى. اتاپ ايت­قاندا, بىرىنشىدەن, تمۇ-عا مۇشە مەملەكەتتەر مەن باقى­لاۋ­­شى مەملەكەتتەردىڭ ءىرى قالا­لارى اراسىنداعى اۆيارەيستەر سا­نىنىڭ ارتۋى قاجەت. وسى ارادا ايتا كەتەلىك, «سامارقاند – تۇركىستان» باعىتىنداعى العاش­قى اۋە مارشرۋتى ىسكە قوسىل­ماق. وزبەكستاندىق «Silk Avia» اۋە كوم­پانياسىنىڭ ۇشاعى 28 قازان كۇنى تۇركىستانداعى حالىقارا­لىق اۋەجايعا العاشقى رەيسىن جاساۋ­دى جوسپارلاپ وتىر. جالپى, تۇركى- س­تان اۋەجايىنان حالىقارالىق ىستانبۇل مەن ەل-كۋۆەيت جانە ەلىمىزدىڭ استانا, الماتى, اقتاۋ, قاراعاندى, اقتوبە مەن ورال با­عىتتارىندا ۇشاق قاتىنايدى. بيىل قاراشا ايىندا تۇركىستان حالىقارالىق اۋەجايىنا «Wizz Air» كومپانياسىنىڭ «AirBus 321» اۋە رەيسى قونادى. بۇل تۇركىستان – ابۋ-دابي اۋە باعىتىنىڭ ال­عاشقى رەيسى بولماق. اتالعان با­عىت­تاعى رەيس اپتاسىنا 3 رەت قا­تى­نايدى. ۆيتسە-ءمينيستردىڭ ۇسى­نىستارىنا قايتا ورالساق, ەكىن­شىدەن, بىرلەسكەن تۋريستىك ونىم­دەردى قۇرۋ, سەرىكتەستىك قاتى­ناس­تاردى جولعا قويۋ بويىنشا جۇمىستاردى جانداندىرۋ جانە «جىبەك جولى» زاماناۋي تۋريس­تىك مارشرۋتىن دامىتۋ ماڭىزدى. ۇشىن­شىدەن, قازاقستان مەن وزبەك­ستان اراسىنداعى «تاببارۋك زيە­رات» قاناتقاقتى جوباسىن ودان ءارى جالعاستىرۋ, تورتىنشىدەن, سا­لا­ماتتى ءومىر سالتىن ناسيحاتتاۋ, مادەني الماسۋ جانە تۋريستىك اعىم­دى ىنتالاندىرۋ ماقساتىندا تمۇ ەلدەرى اراسىندا جۇگىرۋ بو­يىن­شا مارافوندار اليانسىن قۇ­رۋ ۇسىنىلدى. بەسىنشىدەن, تۋريزم جانە قوناقجايلىلىق بويىن­شا وقىتۋعا مامانداندىرىلعان تمۇ ۋني­ۆەرسيتەتتەر ليگاسىن قۇرۋ ستۋ­دەنتتەردىڭ كاسىبي دەڭ­گە­يىن ارت­تىرۋعا ىقپال ەتەدى. التىن­شى­دان, ەلدەردىڭ تۋريستىك الەۋەتىن ىلگەرىلەتۋ جانە ماركەتينگ بويىنشا تاجىريبە الماسۋدى كۇشەيتۋ قاجەت.

«تمۇ كەڭىستىگىندەگى ماڭىزدى باستامالاردىڭ ءبىرى «تۇركى الە­مى­نىڭ تۋريستىك استاناسى» ەكەنىن ەرەك­­شە اتاپ وتۋگە بولادى. بۇل باس­­تاما ۇلى جىبەك جولى بو­يىن­­داعى قالالاردىڭ تۋريستىك الە­ۋە­تىن اشۋعا مۇمكىندىك بەرىپ, ءبىر-ءبىرى­نىڭ مادەني جانە ءداستۇرلى قۇندى­لىق­تارىن ءبىلۋ ارقىلى بار­لىق تۇركى ەلدەرى حالىقتارىنىڭ تىعىز بايلانىسۋىنا ىقپال ەتەدى», دەدى ۆيتسە-مينيستر.

فورۋمعا قاتىسۋشىلار قوجا احمەت ياساۋي كەسەنەسىنە زيارات ەتىپ, قالانىڭ كورىكتى جەرلەرىن ارالادى. سونىمەن قاتار ۇلت­تىق تاعامداردان جاسالعان كورمە­دەن كوپشىلىككە ءدام ۇسىنىلدى. وب­لىس ونەرپازدارى اننەن شاشۋ شا­شىپ, مىڭ بۇرالعان بيشىلەر بي بيلەدى.

ايتا كەتەيىك, تمۇ ەلدەرىندەگى تۋريزم ماسەلەلەرىنە جاۋاپتى مينيسترلەردىڭ VIII وتىرىسى اياسىندا تۇركىستاندى 2024 جىلعا ارنالعان تۇركى الەمىنىڭ استاناسى دەپ جاريالاۋ باستاماسى ماقۇلدانعان ەدى.

تۇركىستان