استانا قالاسىندا پارا حوككەيدەن ەلىمىزدە العاش رەت ءوتىپ, مارەسىنە جەتكەن الەم چەمپيوناتىنا فينليانديا, سلوۆاكيا, شۆەتسيا, ۇلىبريتانيا, جاپونيا قازاقستان قۇرامالارى, ياعني 6 كوماندا قاتىستى, دەپ جازادى Egemen.kz ەلوردا اكىمدىگىنىڭ رەسمي سايتىنا سىلتەمە جاساپ.
«2021 جىلى عانا قۇرىلعان كوماندا ءبىر جىل ىشىندە س ديۆيزيونىندا 2-ورىن الىپ, جوعارعى ليگاعا ءۇمىتتى بولدى. دەگەنمەن جارىس بارىسى قازاقستاننىڭ لايىقتى دەڭگەيىن كورسەتتى. ءبىزدىڭ قۇراما ۆ ديۆيزيوندىق ورنىن ساقتاي وتىرا, دودانى ءساتتى ءتامامدادى. ەندىگى جوسپارىمىز 2024 جىلى ۆ ديۆيزيونىنىڭ كەزەكتى ويىندارى وتەدى. ازىرگە ءبىزدىڭ ماقساتىمىز – الەم چەمپيوناتىنا جاقسىلاپ ازىرلەنىپ, بيىلمەن سالىستارعاندا جوعارى ناتيجە كورسەتۋ», دەيدى قازاقستان ۇلتتىق قۇراماسى كەڭەسشىسى نيكولاي شارشۋكوۆ.
قازاقستان سپورتشىلارى سايىستىڭ سوڭعى ويىنىندا ۇلىبريتانيا كومانداسىن 4:3 كورسەتكىشىمەن ۇتىپ, ءتۋرنيردىڭ جالپى رەيتينگىندە ءتورتىنشى ورىنعا تابان تىرەدى.
چەمپيونات ناتيجەسى بويىنشا جاپونيا مەن سلوۆاكيا قۇرامالارى ا-pool پارا حوككەيدەن الەم چەمپيوناتىنا قاتىسۋعا جولداما الدى.
اتالعان ءتۋرنيردىڭ ۇيىمداستىرۋشىلارى – تۋريزم جانە سپورت مينيسترلىگى, SportQory, «سامۇرىق-قازىنا» اق, «قازاقستان حالقىنا» قورى, قازاقستاننىڭ ۇلتتىق پاراليمپيادا كوميتەتى جانە استانا قالاسىنىڭ سپورت باسقارماسى.