كاسىپوداقتان قولداۋ كوپ

بۇل باعىتتا ەلىمىزدىڭ وقۋ-اعارتۋ, عىلىم جانە جوعارى ءبىلىم قىز­مەتكەرلەرى سالالىق كاسىپ­ودا­عى سالا قىزمەتكەرلەرىنىڭ الەۋ­­مەتتىك-ەڭبەك قۇقىقتارى مەن مۇددەلەرىن قورعاۋدا ماق­سات­تى جۇمىس جۇرگىزىپ كەلەدى. كا­سىپ­وداقتار قىزمەتىنىڭ نەگىزگى قۇ­را­لى الەۋمەتتىك ارىپتەستىك ەكەنى تۇ­سىنىكتى. سوندىقتان سالالىق كا­سىپوداق بيلىك ورگاندارىمەن جانە جۇمىس بەرۋشىلەرمەن بىرگە الەۋ­مەتتىك ماسەلەلەردى شەشۋدە وركەنيەتتى ەڭبەك قاتىناستارىن قالىپتاستىرۋعا دەن قويادى.

بۇگىنگى تاڭدا كاسىپوداق الەۋ­مەت­تىك ارىپتەستىكتىڭ ايقىن قۇ­رىل­عان سالالىق جۇيەسىنە قول جەت­­كىزىپ وتىر. جالاقى, ەڭبەك دە­مالىسى اقىسى مەن ساۋىقتىرۋ جار­­دەم­اقىسىنىڭ ۋاقىتىندا تو­لەنۋى, پەداگوگتەردى تەگىن مەدي­تسي­­­نالىق تەكسەرۋدەن وتكىزۋ, اۋىل مۇ­عالىمدەرىنە جەرگىلىكتى بيۋدجەت قاراجاتىنان وتىن شىعىن­دارىن جابۋعا بىرجولعى اقشالاي وتەماقى تولەۋ جانە تاعى باسقا قىزمەت­كەرلەردىڭ الەۋمەتتىك ما­ڭىز­­دى ماسەلەلەرى سالالىق كە­لى­سىم نەگىزىندە شەشىلىپ كەلەدى. ءبىلىم بەرۋ ورگاندارىمەن بىرلەس­كەن ءىس-ارەكەتتەر پەداگوگتەر مارتە­بە­سىن ارتتىرۋعا, ءبىلىم سالاسى قىز­مەت­كەرلەرىنە قاۋىپسىز ەڭبەك جاع­داي­لا­رىن جاساۋعا باعىتتالىپ جاتىر.

قازىرگى تاڭدا ءبىلىم بەرۋ سالا­سىن­داعى الەۋمەتتىك ارىپتەستىك جۇيەسى وقۋ-اعارتۋ جانە عىلىم جانە جوعارى ءبىلىم مينيسترلىكتەرى مەن سالالىق كاسىپوداق اراسىنداعى 2 سالالىق كەلىسىممەن, 17 وبلىستىق, اۋماقتىق كەلىسىمدەرمەن جانە ءبىلىم بەرۋ ۇيىمدارىنداعى 9 مىڭعا جۋىق ۇجىمدىق شارتتارمەن قام­تىلعان. كەلىسىمدەر قىزمەت­كەر­لەردىڭ الەۋمەتتىك-ماڭىزدى ماسە­لە­لەرىنىڭ كەڭ كولەمىن قامتيدى جانە ولاردى شەشۋدىڭ قۇقىقتىق نىساندارىن انىقتايدى. ال ولاردى ىسكە اسىرۋ الەۋمەتتىك-ەڭبەك قاتى­ناستارىن دامىتۋعا وڭ ىقپال ەتىپ جاتىر.

بىلتىر سالالىق كاسىپوداق قوز­­عالىسىن جاڭعىرتۋدىڭ نەگىز­گى با­عىتتارىن انىقتايتىن ماڭىز­دى قۇجات – سالالىق ءبىلىم جانە عىلىم قىزمەتكەرلەرى كاسىپ­ودا­عىن دامىتۋدىڭ «جاڭا قازاق­س­تان – جاڭا كاسىپوداق» اتتى تۇ­جى­رىمداماسى قابىلداندى. قا­­­بىل­دانعان قۇجات سالالىق كا­سىپوداق قوزعالىسىن جاڭارتۋعا, ونى ءبىلىم جانە عىلىم سالاسى قىز­­مەت­كەرلەرىنىڭ قۇقىقتارى مەن زاڭدى مۇددەلەرىن قورعاۋدى قام­تا­ماسىز ەتەتىن ءتيىمدى قوعامدىق قوزعالىس جۇيەلەرىنە اۋىستىرۋعا باعىتتالدى. كاسىپوداق قىزمەتىن دامىتۋ تۇجىرىمداماسى اياسىندا قۇقىق قورعاۋ قىزمەتى, وسى جۇمىس­تىڭ ناتيجەلىلىگى مەن تيىمدىلىگىن جاڭا دەڭگەيگە كوتەرۋ باستى مىندەت رەتىندە قويىلدى.

سالالىق كاسىپوداق پەن ونىڭ مۇشەلىك ۇيىمدارىنىڭ قۇقىقتىق قىزمەت ماماندارى وتكەن جىلى كاسىپوداق مۇشەلەرىنىڭ ەڭبەك قا­تى­ناستارى ماسەلەلەرى تۋرالى 37 662 ءوتىنىشتى قارادى. وسى جىلدىڭ ءبىرىن­شى جارتىجىل­دى­عىندا بۇل كور­سەتكىش 16 621-گە تەڭ بولدى. بىلتىر كاسىپوداقتىڭ زاڭگەر­لەرى 32 399, بيىلعى ءبىرىن­شى جارتى­جىل­­دىقتا 13 571 تە­گىن كەڭەس بەردى. وتكەن جىلى 391 جاع­دايدا, ءبىرىنشى جارتى­جىل­دىقتا 268 جاعدايدا كە­لىسۋ كوميسسيالارىندا, سونداي-اق بىلتىر 33 جاعدايدا, بيىلعى التى ايدا 19 جاعدايدا سوتتاردا جەكە ەڭبەك داۋلارىن قاراۋ كەزىندە قىزمەتكەرلەرگە كومەك كورسەتتى.

ەڭبەك زاڭناماسىنىڭ ورىن­دا­لۋىن قوعامدىق باقىلاۋ شەڭ­­بە­رىندە 2022 جىلى – 2358, وسى جىل­دىڭ ءبىرىنشى جارتىجىلدىعىندا 946 تەكسەرۋ جۇرگىزىلدى. ونىڭ بارىسىندا وتكەن جىلى 4509, بيىل­دىڭ وزىندە 2021 ەڭبەك زاڭ­ناماسىنىڭ بۇزىلۋ دەرەگى انىق­تالدى. كاسىپوداقتىڭ قول­داۋى­مەن بىلتىر زاڭسىز جۇ­مىستان شىعارىلعان 17, بيىلعى التى ايدا 7 قىزمەتكەر جۇمىسقا قاي­تا الىندى. وتكەن جىلى سا­لا­لىق كاسىپوداق پەن مۇشەلىك ۇيىمداردىڭ قۇقىقتىق قىزمەتتەرى جۇ­مىسىنىڭ ناتيجەسىندە كاسىپ­وداق ورگاندارىنىڭ تالاپتارى بويىنشا كاسىپوداق مۇشەلەرىنە زاڭسىز ۇستالعان نەمەسە تولەنبەگەن 1 ملرد 177 ملن تەڭگە كولەمىندە اقشالاي قاراجات قايتارىلدى. بيىلدىڭ وزىندە بۇل سوما 215 ملن تەڭگەنى قۇراپ وتىر. وسىلايشا, سالالىق كاسىپوداق پەن مۇشەلىك ۇيىمداردىڭ قۇقىقتىق قىزمەتىنىڭ ەكونوميكالىق تيىمدىلىگى 2022 جىلدىڭ ەسەپ بەرۋ دەرەكتەرىنە سايكەس 1ملرد 436 ملن تەڭگەنى, بيىلعى التى ايدا 232 ملن 633 مىڭ تەڭگەنى قۇراپ وتىر.

سالالىق كاسىپوداق ءبىلىم-عى­لىم سالاسىنداعى ەڭبەك قاۋىپ­سىز­دىگى ماسەلەسىنە دە ءجىتى نازار اۋ­دا­رىپ كەلەدى. دەرەكتەرگە زەر سالساق, ەڭبەكتى قورعاۋ مەن ەڭبەك قاۋىپسىزدىگى ماسەلەلەرى ءبىلىم سالاسىندا دا وزەكتى ەكەنىن بايقاۋعا بولادى. بىلتىر ەڭبەكتى قورعاۋ جونىندەگى تەحنيكالىق ينسپەكتورلار ەڭبەك جاعدايلارىنا 4935 تەكسەرۋ جۇرگىزگەن. ەڭبەك قىز­مەتىمەن بايلانىستى جازاتايىم وقيعالار كە­زىندە بىلتىر سالادا 33 ادام زارداپ شەكتى, 10 ادام اۋىر دا­رە­­جەدە جاراقات الدى, 3 ادام قايتىس بولدى. سالالىق كاسىپوداق پەن ونىڭ مۇشەلىك ۇيىمدارى ەڭبەك قاۋىپسىزدىگى ماسەلەسىن كۇن تارتىبىنەن تۇسىرمەيدى. ويتكەنى ەڭبەكتى قورعاۋ – قىزمەتكەرلەردىڭ قۇقىقتارى مەن مۇددەلەرىن قورعاۋ. ءارى بۇل جۇمىس بەرۋشىلەردىڭ ەڭبەك زاڭناماسىن بۇزۋشىلىقتارىن انىق­تاۋ جونىندەگى كاسىپوداق جۇ­مى­­سىنىڭ ماڭىزدى بولىگى.

ايگۇل مۇقاشەۆا,

قازاقستان وقۋ-اعارتۋ,

عىلىم جانە جوعارى ءبىلىم قىزمەتكەرلەرى سالالىق

كاسىپوداعىنىڭ توراعاسى