قر ساۋدا جانە ينتەگراتسيا ءمينيسترى ارمان شاققاليەۆ ەلدەگى قانت تاپشىلىعى مەن ونىڭ باعاسىنا قاتىستى پىكىر ءبىلدىردى, دەپ جازادى Egemen.kz.
ءمينيستردىڭ ايتۋىنشا, قازىر قازاقستاندا قانت باعاسى تومەندەپ جاتىر
«قانت باعاسى 11%-عا تومەندەدى. جاقىندا قانت باعاسى وسەدى دەگەن بولجام جوق. قانت تاپشىلىعى بولمايدى. وتكەن جىلى سونداي جاعداي تۋىنداپ, جاعىمسىز تاجىريبە بولدى. بيىل بۇل قايتالانبايدى», دەدى ارمان شاققاليەۆ.
وسى تۇستا مينيستر ەلدە قانت زاۋىتتارىن نەسيەلەندىرۋ جانە قارجى ءبولۋ ارقىلى قولداۋ باعدارلاماسى قابىلدانعانىن قوسا ايتتى.
«قازىرگى ۋاقىتتا ءتورت زاۋىت 70 مىڭ تونناعا جۋىق قانت ءوندىردى. ءبىز رەسەي فەدەراتسياسىنان قانت اكەلىنەتىنىن كورىپ وتىرمىز, سوندىقتان جالپى نارىقتاعى جاعداي قالىپتى, تاپشىلىق جوق», دەپ سەندىردى ارمان شاققاليەۆ.
ەسكە سالا كەتسەك, 2022 جىلى ەلىمىزدە قانت باعاسى 86,6%-عا ءوسىپ, رەكوردتىق دەڭگەيگە كوتەرىلگەن ەدى.