مەملەكەت باسشىسى قاسىم-جومارت توقاەۆ «ادىلەتتى قازاقستاننىڭ ەكونوميكالىق باعدارى» اتتى جولداۋىندا ەلدەگى تاريف ساياساتىنا دا تۇبەگەيلى وزگەرىس قاجەت ەكەنىن ايتتى, دەپ حابارلايدى Egemen.kz.
«تاريف ساياساتىن تۇبەگەيلى قايتا قاراۋ, تاريف بەلگىلەۋدىڭ جاڭا ادىستەمەسىن ەنگىزۋ جانە ينۆەستورلاردىڭ قىزىعۋشىلىعىن ارتتىرۋ قاجەت. تابيعي مونوپوليا سۋبەكتىلەرىنىڭ بارىنە 5-7 جىلعا دەيىن كوڭىلگە قونىمدى نارىقتىق تاريف ەنگىزگەن ءجون. ياعني, باعا تۇراقتى بولسا, ينۆەستيتسيانى ناقتى جوسپارلاۋعا مۇمكىندىك تۋادى. قارجى ۇيىمدارى دا كاسىپورىندارعا نىق سەنىممەن نەسيە بەرە الادى», دەدى پرەزيدەنت.
سونىمەن قاتار ول مونوپوليستەردىڭ جاۋاپكەرشىلىگىن ەداۋىر ارتتىرۋ قاجەت ەكەنىن ايتتى. اتالعان سالاعا تسيفرلىق باقىلاۋ تاسىلدەرى ەنگىزىلەدى. سول ارقىلى ازاماتتار تاريفتىك سمەتا جانە ينۆەستيتسيالىق باعدارلامالار تۋرالى اقپارات الادى.