كونستيتۋتسياعا ارنالدى

ء«بىز, بۇگىن مىزعىماس بىر­لىك پەن زاڭ ۇستەمدىگىنىڭ ار­قا­سىندا ەلىمىزدى دامىتىپ, قا­­سيەت­تى قالامىزدى تۇلەتە بىل­دىك. بىلتىر ەلىمىزدىڭ اتا زا­ڭىنا وزگەرىستەر ەنگىزۋ جو­نىن­دە جالپىحالىقتىق رەفەرەندۋم ءوتتى. اسا ماڭىزدى شەشىم قابىلدانىپ, 30-دان استام زاڭ باپتارىنا وزگەرتۋ مەن تو­لىق­تى­رۋ ەنگىزىلدى. ناتي­جە­سىندە, حالىقتىڭ تىكەلەي قاتى­سۋى­مەن ماڭىزدى سايلاۋلار ءوتتى. جاڭا باسقارۋ جۇيەسىنە سايكەس پار­لا­مەنتتىڭ ىقپالى ارتا ءتۇستى. كونستيتۋتسياعا جەر مەن جەر استىنداعى بايلىق حالىققا تيە­سىلى ەكەنى انىق جازىلدى. وسى ارقىلى جاڭا قازاقستانعا تىڭ بەتبۇرىس باستالدى. وزدە­رىڭىز­گە ءمالىم, وسىدان 5 جىل بۇرىن وبلىسىمىز قۇرىلىپ, تۇر­كىستان قالاسى وبلىس ورتا­لى­عى رەتىندە قالىپتاستى. اي­تار­­­لىقتاي جەتىستىككە جەتتى. تۇركى جۇرتىنىڭ رۋحاني استا­ناسى تۇركىستانىمىزدا كۇن ساناپ ءتۇرلى نىسان بوي كوتە­رىپ, رەسپۋبليكالىق جانە حالىق­ارا­لىق دەڭگەيدە ءىس-شارالار وتەتىن ورتالىققا اينالدى», دەدى وبلىس اكىمى دارحان ساتىبالدى.

سونداي-اق ءوڭىر باسشىسى بيىل تۇركىستان قالاسىندا تۇر­كى ەلدەرىنىڭ تۋريزم مي­نيستر­­لەرىنىڭ باسقوسۋى جوسپار­لان­عانىن اتاپ ءوتتى. قازىرگى تاڭ­دا شەت ەلدەردەن جانە ەلىمىزدىڭ ايماقتارىنان كەلەتىن تۋريستەردىڭ سانى وسكەنىنە نازار اۋداردى.

«مەملەكەت باسشىسى قاسىم-جومارت توقاەۆتىڭ تىكەلەي قولداۋىمەن وڭىردە اۋقىمدى جوبالار قولعا الىندى. وسى ماڭىزدى ىستەردى اتقارۋعا ۇلەس قوسىپ جۇرگەن بارشاڭىزعا العىسىمدى بىلدىرەمىن. بۇنىڭ ءبارى – ەلدىڭ بىرلىگى مەن ەرەن ەڭبەگىنىڭ, تۇراقتىلىققا تۇعىر بولعان اتا زاڭىمىزدىڭ ارقا­سىن­دا قول جەتكىزگەن تابىستار. تاۋەلسىزدىگىمىز تۇعىرلى, كونس­تي­تۋتسيامىز عۇمىرلى, ەلدىگىمىز ماڭگى بولسىن! اتا زاڭدى ارداق تۇتقان ونەگەلى ەلىمىز وركەندەي بەرسىن», دەدى د.ساتىبالدى.

وبلىس اكىمى بيىل 7 ايدا وڭىرگە 500 مىڭعا جۋىق تۋريست پەن زيارات ەتۋشى كەلگەنىن اتاپ ءوتتى. تۋريستىك الەۋەتتى ودان ءارى دامىتۋ ماقساتىندا قالاداعى حالىقارالىق اۋەجايدىڭ رەيس­تەر سانىن ۇلعايتۋ بويىنشا جۇمىس تۇراقتى تۇردە جۇرگىزىلىپ كەلەدى. تۇركىستان قالاسىنداعى حالىقارالىق اۋەجايدان بىلتىر ىستانبۇل جانە كۋۆەيت با­عى­تىنا تىكەلەي رەيستەر اشىل­دى. قازان ايىندا بىرىككەن اراب امىرلىگىنىڭ استاناسى ابۋ-دابي قالاسىنا تىكەلەي رەيستىڭ اشىلۋى جوسپارلانىپ وتىر. «سونىمەن قاتار ماسكەۋ, انتاليا, تبيليسي, سامارقاند قالالارىنا رەيستەر اشۋعا ۇكىمەتكە ۇسىنىس ەنگىزدىك. ىشكى باعىتتا استانا مەن الماتىعا رەيستەردىڭ سانى كوبەيتىلدى. بۇدان بولەك, پرەزيدەنت تاپسىرماسىمەن «جەتى جارعى» زاڭدار جيناعى ازىرلەنگەن تۇركىستانعا قازىرگى تاڭدا ەرەكشە مارتەبە بەرۋ تۋرالى زاڭ جوباسى تالقىلانىپ جاتىر», دەدى وبلىس اكىمى.

سالتاناتتى ءىس-شارادا وبلىس باسشىسى ءبىلىم, دەنساۋلىق, توتەنشە جاعداي, ءورت ءسوندىرۋ, قۇقىق قورعاۋ سالاسىندا ەڭبەك سىڭىرگەن, وبلىستىڭ الەۋمەتتىك-ەكونوميكالىق دامۋىنا ەلەۋلى ۇلەس قوسقان مامانداردى ماراپاتتاپ, وبلىس اكىمىنىڭ گراموتاسى مەن العىسحاتىن تاپسىردى. سونىمەن قاتار ءوڭىر باسشىسى تۇركىستان وبلىسىنىڭ 5 جىلدىعى اياسىندا وبلىس اكىمدىگىنىڭ قولداۋىمەن ءساۋىر-تامىز ايلارى ارالىعىندا اۋدان, قالالىق ونەر شەبەرلەرىنىڭ قاتىسۋىمەن وتكەن وبلىستىق «ونەرلى ولكە» فەستيۆالىنىڭ جەڭىمپازدارىن ماراپاتتادى.

سالتاناتتى ءىس-شارادا مەم­لە­كەتتىك قىزمەتكە جاڭادان قا­­بىلدانعان ماماندار انت بەردى. مەرەكەلىك جيىنعا وبلىس اكىمىنىڭ ورىنباسارلارى, ءماسليحات دەپۋتاتتارى, وب­لىس­تىق باسقارما باسشىلارى, قۇ­قىق قورعاۋ ورگاندارىنىڭ باسشىلارى, ارداگەرلەر القاسى مەن زيالى قاۋىم وكىلدەرى, ۇەۇ مۇشەلەرى, ستۋدەنت جاستار, باق وكىلدەرىنەن قۇرالعان 1000-عا جۋىق ازامات قاتىستى. بۇل كۇنى وبلىستىڭ ونەر ۇجىمدارى مەن انشىلەرى كونتسەرتتىك باعدارلاما ۇسىنىپ, پاتريوتتىق اندەردى شىرقادى. «قازاقستان داۋىسى بالالار» جوباسىنىڭ ءفيناليسى بايزاق ەڭلىكتەن بولەك قازاق ەستراداسىنىڭ مايتالماندارى «مۋزارت» توبى ونەر كورسەتىپ, كورەرمەنگە مەرەكەلىك كوڭىل-كۇي سىيلادى.