وتىراردا « ۇلى جىبەك جولى بويىنداعى توقىما جانە زەرگەرلىك ونەر» اتتى حالىقارالىق قولونەر شەبەرلەرىنىڭ جارمەڭكەسى ءوتتى. مادەنيەت جانە سپورت مينيسترلىگى مەن «حالىقارالىق تۇركى مادەنيەتى مەن مۇراسى» قورىنىڭ قولداۋىمەن, «وتىرار» مەملەكەتتىك ارحەولوگيالىق مۋزەي-قورىعىنىڭ ۇيىمداستىرۋىمەن وتكەن جارمەڭكەدە تۇركيا, وزبەكستان, قىرعىزستان, تۇرىكمەنستان, ازەربايجان مەملەكەتتەرى مەن ەلىمىزدىڭ بارلىق وڭىرىنەن كەلگەن 50-دەن استام توقىما جانە زەرگەرلىك ونەردىڭ حاس شەبەرىنىڭ قولونەر بۇيىمدارى قويىلدى.
جارمەڭكەنىڭ اشىلۋ سالتاناتىندا مادەنيەت جانە سپورت مينيسترلىگى مادەنيەت كوميتەتىنىڭ توراعاسى كۇمىس سەيىتوۆا, حالىقارالىق تۇركى مادەنيەتى مەن مۇراسى قورىنىڭ وكىلى تالعات مۇحانوۆ جانە وتىرار اۋدانىنىڭ اكىمى ساكەن سۇلتانحانوۆ ۇيىمداستىرۋشىلارعا ىستىق ىقىلاسىن بىلدىرە وتىرىپ, قاتىسۋشىلارعا ساتتىلىك تىلەدى. ال قازىلار القاسى شەبەرلەردىڭ ونەرىن ءجىتى باقىلاپ, ۇزدىك دەپ تانىلعان قاتىسۋشىلاردى انىقتادى. ءسويتىپ, قازىلار القاسىنىڭ شەشىمىمەن باس جۇلدەگە جەننەت گارليەۆا مەن (تۇرىكمەنستان), ابدۋللا ناۋرىزباەۆ (شىمكەنت قالاسى) لايىق دەپ تانىلدى. ساليح گيرگيچ (تۇركيا) پەن ايجان ابدۋبايتوۆا (الماتى) جۇلدەلى I ورىندى, بولات اتىراۋباەۆ (اقتوبە وبلىسى) پەن بيباجار سيموۆا (شىمكەنت قالاسى), نۇرجامال ايدوس (الماتى قالاسى) جانە يكرامجان رافيكوۆ (شىمكەنت قالاسى) جۇلدەلى II ورىندى, سۇلتان تىلەك (الماتى وبلىسى), مادينا احمەتوۆا (شىمكەنت قالاسى), مەرەكە ايدارشا (تۇركىستان وبلىسى) مەن ابدىرەيم سۇلتانعالي (تۇركىستان وبلىسى) جۇلدەلى III ورىندى يەلەندى. ال ۇزدىك دەپ تانىلعان تۇركىستان, قىزىلوردا, جامبىل وبلىسىنان جانە وزبەكستان, قىرعىزستاننان كەلگەن قاتىسۋشىلارعا «تۇران زەرگەرى» اتالىمى, جەڭىمپازدارعا سەرتيفيكاتتار مەن ىنتالاندىرۋ سىيلىقتارى تابىستالدى.
شارا سوڭى كونتسەرتتىك باعدارلاماعا ۇلاستى. سونداي-اق قوناقتار مەن قاتىسۋشىلارعا تاريحي-مادەني ورىندارعا ەكسكۋرسيا ۇيىمداستىرىلدى.
تۇركىستان وبلىسى