الماتىدا ەلەكتروندى تەمەكىنى زاڭسىز ساتقاندار انىقتالدى, دەپ حابارلايدى Egemen.kz قارجىلىق مونيتورينگ اگەنتتىگىنىڭ ءباسپاسوز قىزمەتىنە سىلتەمە جاساپ.
قارجىلىق مونيتورينگ اگەنتتىگىنىڭ الماتى قالالىق دەپارتامەنتى قالالىق پروكۋراتۋرامەن بىرلەسىپ جەدەل ىزدەستىرۋ ءىس-شارالارىن جۇرگىزدى. ولار قالادا ەلەكتروندى تەمەكىنى زاڭسىز ساتقان قويما ءۇي-جايلاردى انىقتادى.
ءتىنتۋ كەزىندە جالپى سوماسى 80 ملن تەڭگەدەن اساتىن 55 مىڭنان استام ەلەكتروندى تەمەكى تابىلىپ, تاركىلەندى. قازىر سوتقا دەيىنگى تەرگەۋ باستالدى.
قر قپك 201-بابىنىڭ تالاپتارىنا سايكەس وزگە مالىمەتتەر جاريا ەتىلمەيدى.