قۇرىلىسشىلار كۇنىنە وراي گارنيزونداردا اسكەري قىزمەتشىلەردىڭ, ازاماتتىق پەرسونالدىڭ جانە سالا ارداگەرلەرىنىڭ قاتىسۋىمەن سالتاناتتى ءىس-شارالار ءوتتى, دەپ حابارلايدى Egemen.kz قورعانىس مينيسترلىگىنىڭ ءباسپاسوز قىزمەتىنە سىلتەمە جاساپ.
بۇل كۇندەرى اسكەري ينفراقۇرىلىم باس باسقارماسىنا 19 اۋداندىق پايدالانۋ ءبولىمى مەن 6 جول-پايدالانۋ ۋچاسكەسى قارايدى. بولىمشەلەر وبەكتىلەردى سالۋمەن جانە ولاردى كۇتىپ ۇستاۋمەن, قولدا بار قوردى كۇردەلى جانە اعىمداعى جوندەۋمەن اينالىسادى.
تاۋەلسىزدىك العان جىلداردا قارۋلى كۇشتەردىڭ قۇرىلىس بولىمشەلەرى ءبىراز اسكەري قالاشىقتار مەن نىساندار سالدى. ونىڭ ىشىندە قورعانىس مينيسترلىگىنىڭ اكىمشىلىك عيماراتى, استاناداعى ۇلتتىق قورعانىس ۋنيۆەرسيتەتى مەن ششۋچينسك قالاسىنداعى كادەت كورپۋسى عيماراتتارىنىڭ كەشەندەرى, اقتاۋ, شىمكەنت قالالارىنداعى اسكەري قالاشىقتار, ماڭعىستاۋ وبلىسىنىڭ بەينەۋ اۋىلىنداعى اسكەري قالاشىقتار بار.
قۇرىلىسشىلاردىڭ جاسامپاز ەڭبەگىنىڭ ارقاسىندا وقۋ-جاتتىعۋ پوليگوندارى مەن ورتالىقتارى, اتاپ ايتقاندا, اقتاۋ, گۆاردەيسك جانە پريوزەرسك قالالارى دا قاجەتتى ينفراقۇرىلىممەن قامتاماسىز ەتىلدى. قاراعاندى, اقتاۋ جانە استانا قالالارى اۋەايلاقتارىنىڭ اسكەري سەكتورلارىندا وبەكتىلەر سالىندى. شىمكەنت, تالدىقورعان, بالقاش قالالارىنداعى اۋەايلاقتار كۇردەلى جوندەۋلەردەن ءوتتى.
اسكەري قۇرىلىسشىلاردىڭ كۇشىمەن مودۋلدىك كونسترۋكتسيالارعا نەگىزدەلگەن جىلجىمالى تۇرعىن ۇيلەر, كازارمالار, اسحانالار, شتابتار, وقۋ, اكىمشىلىك جانە تەحنيكالىق عيماراتتار سالىنىپ جاتىر. اسكەري قالاشىقتار جوسپارلى تۇردە اباتتاندىرىلىپ تۇرادى, كىرەبەرىس جولدار دا جوندەلۋدە, بالالار جانە سپورت الاڭدارى جابدىقتالىپ جاتىر.
قارۋلى كۇشتەردىڭ قۇرىلىسى مەن ونى دامىتۋدىڭ جاڭا تۇجىرىمداماسى شەڭبەرىندەگى ءىس-شارالاردى جۇزەگە اسىرۋعا ەرەكشە نازار اۋدارىلىپ وتىر, وق-ءدارى قويمالارى, اسكەري قويمالار سالىنۋدا. ولاردى جەتىلدىرۋ جانە قاجەتتى جابدىقتارمەن جاراقتاندىرۋ جۇمىستارى جۇرگىزىلۋدە.
جاڭادان قۇرىلعان اباي, جەتىسۋ, ۇلىتاۋ وبلىستارىندا جانە تۇركىستان قالاسىندا قورعانىس ىستەرى جونىندەگى دەپارتامەنتتەرىنىڭ شتابى مەن قىزمەتتىك-تەحنيكالىق ءۇي-جايلارىن سالۋ جوسپارلانىپ وتىر.
كاسىبي مەرەكەگە وراي قارۋلى كۇشتەردىڭ ارداگەرلەرى, بەلسەندى اسكەري قىزمەتشىلەر جانە بولىمشەلەردىڭ ازاماتتىق پەرسونالى ەلىمىزدىڭ اسكەري-قۇرىلىس سالاسىن دامىتۋعا قوسقان ەلەۋلى ۇلەسى ءۇشىن مەدالدارمەن, ەستەلىك بەلگىلەرمەن, گراموتالارمەن جانە العىس حاتتارمەن ماراپاتتالدى.