الداعى ۋاقىتتا كولىك جۇرگىزۋشىلەرىنە قاعاز جۇزىندەگى «تەحنيكالىق بايقاۋ» قۇجاتىن الىپ جۇرۋدىڭ قاجەتى بولمايدى, دەپ حابارلايدى Egemen.kz
قر يندۋستريا جانە ينفراقۇرىلىمدىق دامۋ مينيسترلىگىنىڭ مالىمدەۋىنشە, ۆەدومستۆو «ۇلتتىق اقپاراتتىق تەحنولوگيالار» اق مەن بىرلەسىپ, اۆتوكولىكتىڭ تەحنيكالىق بايقاۋدان وتكەنىن كۋالاندىراتىن قۇجاتتى تسيفرلى فورماتقا كوشىرۋ بويىنشا جۇمىستى قولعا العان. ەندى «تەحنيكالىق بايقاۋدىڭ دياگنوستيكالىق كارتاسى» ەلەكتروندى ۇكىمەتتىڭ ءموبيلدى قوسىمشاسىنىڭ جەكە كابينەتىندە ساقتالاتىن بولادى.
وسى كۇندەرى IT ماماندارى ارنايى سەرۆيستى ازىرلەپ, تەحنيكالىق جۇمىستاردى جۇرگىزىپ جاتىر. وسى قىزمەتتىڭ العاشقى نۇسقاسى الداعى 1 قىركۇيەكتە EgovMobile پلاتفورماسىندا ىسكە قوسىلادى دەپ جوسپارلانۋدا.
اتالعان جوبانىڭ جوسپارىنا سايكەس قۇجاتتىڭ تسيفرلى نۇسقاسى قاداعالاۋشى ورگانداردىڭ دەرەكقورىندا ساقتالاتىندىقتان ونى ونلاين رەجىمدە تەكسەرۋگە بولادى.
ايتا كەتكەن دۇرىس, تسيفرلى قۇجاتتاردىڭ زاڭدى كۇشى قاعاز جۇزىندەگى انالوگتارمەن بىردەيلىگى ءوز الدىنا, ونىڭ ارتىقشىلىعى - سىبايلاس جەمقورلىق تاۋەكەلدەرى جويىلىپ, قوعامنىڭ سەنىمى ارتا تۇسەدى.
بۇل رەتتە ەستەرىڭىزگە سالايىق, بيىل كوكتەمدە VIII شاقىرىلىمداعى پارلامەنتتىڭ ءبىرىنشى سەسسياسىندا مەملەكەت باسشىسى ۇكىمەتكە تسيفرلاندىرۋدى كۇشەيتىپ, بيۋروكراتيالىق راسىمدەردى بارىنشا ازايتۋدى تاپسىرعان بولاتىن.