الماتى وبلىسىنداعى سەل قاۋپىنە بايلانىستى 150 ادام ەۆاكۋاتسيالاندى, دەپ حابارلايدى Egemen.kz قازاقستان «قازسەلدەنقورعاۋ» مەملەكەتتىك مەكەمەسىنىڭ ءباسپاسوز قىزمەتىنە سىلتەمە جاساپ.
ۆەدومستۆو مالىمدەگەندەي, ساعات 00:30-داعى سەل تاسقىنىنىڭ كەرى اسەرى سالدارىنان تالعار بوگەتىنىڭ بورەنە ۇستاعىش قۇرىلعىسىندا توپىراق بوگەتىنىڭ وڭ جاعىن سۋ شايىپ, ۇزىندىعى 5,5 مەتر, ەنى 3 مەتر, تەرەڭدىگى 1,2 مەتر, كولەمدىلىگى شامامەن 20 تەكشە مەترلىك شۇڭقىر پايدا بولعان.
پايدا بولعان شۇڭقىردى قالپىنا كەلتىرۋ جۇمىستارىن «قازسەلدەنقورعاۋ» فيليالى جۇرگىزەدى.
تالعار وزەنىنىڭ قاۋىپتى تۇستارىنا باقىلاۋ بەكەتتەرى قويىلىپ, سەل قاۋپى بار اۋماقتان 150-گە جۋىق ادام قاۋىپسىز جەرگە كوشىرىلدى.