جەتىسۋ وبلىسىندا جول اپاتىنان 3 ادام قازا تاپتى, تاعى 5 ادام اۋرۋحاناعا جاتقىزىلدى, اراسىندا بالالار دا بار, دەپ حابارلايدى Egemen.kz.
وقيعا ءۇشارال-دوستىق اۆتوجولىنىڭ 55 شاقىرىمىندا بولدى. وندا Kia Soul مەن Toyota Camry سوقتىعىسقان.
الدىن الا بولجام بويىنشا, 46 جاستاعى ايەل Kia كولىگىنىڭ رولىنە يە بولا الماي, قارسى قوزعالىس جولاعىنا شىعىپ كەتكەن.
سالدارىنان وقيعا ورنىندا Toyota-دا بولعان 3 جولاۋشى كوز جۇمدى.
ەكى كولىكتىڭ دە جۇرگىزۋشىلەرى, سونداي-اق 3 جاس بالا ءتۇرلى دەنە جاراقاتتارىمەن اۋرۋحاناعا جاتقىزىلدى.