كاتونقاراعاي اۋدانىندا بەرەل ورمانشىلىعىنىڭ اۋماعىنداعى جارتاستى, تاۋلى, جەتۋى قيىن جەرلەردە ءورت شىققان. ءورت ورنىنا جۇمىلدىرىلعان ءورت سوندىرۋشىلەر ءتىلسىز جاۋمەن كۇرەسىپ جاتىر, دەپ حابارلايدى Egemen.kz توتەنشە جاعدايلار مينيسترلىگىنە سىلتەمە جاساپ.
1700 مەتردەن استام بيىكتەگى 3 گەكتار اۋماقتا جارتاستارداعى اعاشتاردى ءورت شارپىدى. ورمانشىلار مەن ءورت سوندىرۋشىلەر اتپەن جانە شقو اۋە بولىمشەسىنىڭ مي-8 تىكۇشاعىنىڭ كومەگىمەن ءورت ورنىنا جەتكەن.
«قازاۆياورمانقورعاۋ مي-2 تىكۇشاعى اۋەدەن جاعدايدى ۇنەمى قاداعالاپ وتىر. قورعانىس مينيسترلىگىنىڭ مي-171 جانە شقو اۋە بولىمشەلەرىنىڭ مي-2 تىكۇشاقتارى ءورت وشاقتارىنا اۋەدەن 19 رەت 50 تونناعا جۋىق سۋ توكتى. 155 ورمانشى, ءورت ءسوندىرۋشى جانە جەرگىلىكتى اتقارۋشى ورگاندار, 13 بىرلىك تەحنيكا جانە 3 تىكۇشاق جالىنمەن كۇرەسىپ جاتىر», دەلىنگەن شقو تجد ءباسپاسوز قىزمەتى تاراتقان حابارلامادا.